ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

On niin kuin Pyhissä Kirjutukšissa šanotah: – Mitä šilmä ei ole nähnyn, korva ei ole kuullun, mitä ihmisellä mieleh ei voinun juolahtua, šen Jumala on varuštan niillä, ket Häntä tykätäh.

Ihmisen mieli ei voi ottua vaštah šitä, mitä Jumalan Henki pakajau, šentäh kun häneštä še on höperryštä. Hiän ei malta šitä, šentäh kun šiitä voit piäššä perillä vain Henken avulla.

Ka meilä Jumala ilmotti nämä as's'at omalla Henkelläh. Henkihän tiijuštau kaiken, Jumalan šyvyötki.

No myö emmä šuanun tämän muailman henkie, vain šaima Jumalalta Henken šitä vaššen, jotta malttasima, mitä Hiän on antan meilä lahjakši.

Konša mie pakasin tiän kera ta šanelin Hyvyä Viestie, en starainun näyttyä viisahalta, vain miun šanoissa oli Jumalan Henken voima. Šentäh tiän ušon pohjakši ei tullun ihmisien viisahuš, a Jumalan voima.