ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

မိုးလန်းခန် စောစောဂီးမာ ယေရှုဟှ အိယာဟှထဘီးဟှာ အီဟှထွပ်ဟှားဟှယ်။ ကိုယ်တော်ဟှာ ဗြို့ထဲဟှနေ လူမှေ့သူမှေ့ဘဲဟှူ နေရာဟှို ထွပ်ဟှားဘီးဟှာ ဆုတောန်းလေဟှယ်။

“ခီပ္လဲ့ဇောင်ဟှားဘီ ဘုရားသခင်ရဲ့ နိုင်ငံတော်ဟှာ တည်ခါနီးနေဘီ! နောန်ဒရဘီးဟှာ ဒန်းကောန်းဟှို ယောင်ကြည်ဂေ့ပါ!” ဆိုဘီး မိန့်တော်မူလေဟှယ်။

ယေရှုဟှာ ရေထဲဟှထလိုက်ဟှူန ကောန်းဂန်ဘောင် ပွမ့်ဟှားဘီး ဝိညာဉ်တော်ဟှ ချိုးငှတ်မျိုး ကိုယ်တော်ထတ်ဟှို ဆင်းလာနေဇာဟှို ဗြင်လေဟှယ်။ “နန်ဟှာ ငါနှစ်သက်မြတ်နိုးဟှူ ငါ့ရဲ့ ရှစ်ရဟှူသား ဖြစ်ဟှယ်” ဆိုဘီး ကောန်းဂန်ဟှနေ သံတော်ထွပ်ပေါ်လာဟှယ်။

ငါဟှ နန်းနို့လေဟှို ရေန ဗတ္တိဇံပေးဟှယ်။ အယ်ဘေမဲ့ သူဟှ နန်းနို့ဟှို သန့်ရှင်းဟှူဝိညာဉ်တော်န ဗတ္တိဇံပေးလေ့မယ်။”

ယေရှုဟှ “ငါ့နော့‑က်လိုက်ဂေ့။ နန်းနို့လေဟှို လူလေဟှိုဖမ်းဟှူ ငါးဖမ်းမားဖြစ်စေမယ်” ဆိုဘီး မိန့်တော်မူလေဟှယ်။ သူးနို့လေဟှ ရှစ်ရှင်းဘဲ ပိုက်လေဟှို ထားရစ်ဘီးန နော့‑က်ဟှို လိုက်ဂေ့ဟှယ်။

လူလေဟှာ ကိုယ်တော်ရဲ့ သွန်သန်ဇာဟှို အံ့ဩဂေ့ဟှယ်။ ဖြားဖြစ်ကြောန့်နူးဆိုဟှာ ကိုယ်တော်ဟှာ သူးနို့ဟှို ကျမ်းတတ်ဆရာလေမျိုး မှုဘဲ့န ခွမ့်အာဏာရှိဟှူသူမျိုး သွန်သန်ဟှူကြောန့် ဖြစ်ဟှယ်။