ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Viq'uiluc no'ox me asatic mu me xavayic, c'oponic Riox yo' mu xa p'ajic o ta mulile. Ta melel avo'onicuc ac'oponic Riox, pero lapat axoconique mu xu' yu'un ―x'utatic.

Ja' yech i'albatic chac li'i: —Chcat co'on tajmec, chicham xa ya'el. Comanic li'toe, mu me xavayic uc ―x'utatic.

Ti Jesuse ijelav to ech'el jset', isquejan sba, ispatan sba ta balamil, isc'opon Riox, ja' yech iyalbe chac li'i: «Tot, ti xu'uc to ti mu xquich' jvocole, lec ti yechuque; pero ma'uc me xc'ot li c'usi tsc'an co'on jtuque, ja'uc me c'otuc li c'usi chac'an li vo'ote.» ―Xut ti Rioxe.

li'i ja' jch'ich'el, ja' ch-c'ot o ta pasel ti c'usi yaloj ono'ox ti Rioxe, ti ta xmal jch'ichel yo' staic o pertonal yu'un smulic epal crixchanoetique.

Ti c'alal yolel chveique, istam jp'ej pan ti Jesuse “colaval” xut ti Rioxe, ja'o ixut li pane, iyac'be li yajchanc'optaque, ja yech iyal chac li'i: —Ilo, ve'anic, li'i ja' jbec'tal jtacupal —xut li yajchanc'optaque.

Istam noxtoc jun muc'ta p'is ya'lel uva, iyalbe coliyal ti Rioxe, ja' o iyac'be li yajchanc'optaque, ja yech iyal chac li'i: —Ilo, uch'an acotolic

Ti c'alal laj sc'opon Rioxe, isut tal yo' bu li oxvo' yajchanc'optaque, vayemic yul staelic. I'albat li Pedroe: ―¿Mi mu xcuch avu'unic junuc ora ya'el ti julavemoxuc uque? —X'utatic.

Chacalbe ava'iic ti mu xa bu chcuch' li ya'lel uva li'i, ja'to ch-cuch'tic noxtoc li ach' ya'lel uva ti c'alal tey xa tsobolotic jcotoltic yo' bu tspas mantal ti Jtote ―x'utatic yu'un ti Jesuse.

li Pedroe iyul ta sjol ti yech ono'ox albil yu'un ti Jesuse: «Ti c'alal mu to'ox ch-oc' li queleme, ox'ech'el xa'ox aval ti mu xavojtiquinone.» X'utat onox yu'un ti Jesuse. Iloc' ech'el li Pedroe, ba yoq'uita sba tajmec, yu'un toj chopol iya'i ti x'elan iyale.

Licanic, batic, le' xa xtal li much'u chiyac' entrucale ―x'utatic yu'un ti Jesuse.

Ti Jesuse ja' yech iyalbe chac li'i: —Tic'o ta sna lavespadae ―x'utat yu'un ti Jesuse. Ti much'u chmilvan ta espadae ja' no'ox yech ta espada ta xcham uc.