ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Yu'un mi oy atsoboj sbaic cha'vo' oxvo'uc ta jbie, li vo'one teyon ta o'lol avu'unic―xi ti Jesuse.

»Chacalbeic noxtoc: Mi oy cha'vo'oxuc li' ta balamil ti co'ol ajolic chac'oponic ti Jtot tey ta vinajele, mi oy c'usi chac'anbeique chayac'beic.

Ti Jesuse, iyic'tal jun c'ox crem isva'an ta o'lol yo' bu tsobolique, Ja' yech iyal chac li'i: —Ta melel chacalbeic, mi muc' bu chabic'tajes abaique, mi mu xaco'oltas abaic chac c'ucha'al li c'oxetique, mu xu' cha'ochic yo' bu tspas mantal ti Rioxe.

Yech'o un, ti much'u biq'uit chac' sba chac c'ucha'al li c'ox crem li'i, ja' ich'bil ta muc' chc'ot yo bu tspas mantal ti Rioxe.

Ti much'u chich' ta muc' ta jbi junuc c'ox crem chac c'u cha'al li'i, vo'on chiyich' ta muc'.

»Ta melel chacalbeic, scotol ti c'usi chachuquic li' ta sba balamile, chucul chc'ot ta vinajel. Ja' no'ox yech noxtoc, scotol ti c'usi chajitunic li' ta sba balamile, jitujem chc'ot tey ta vinajele.

Ti Jesuse xi to iyale: —Ja' no'ox yech chaxcha'leic ti Jtot tey ta vinajel uque, ti mi mu sjunuluc avo'onic chavaq'uic ta pertonal lachi'ilique ―x'utatic yu'un ti Jesuse.

»Ti much'u chac'be sa' smul junuc li much'u biq'uit yac'oj sba chac c'ucha'al c'oxetic ti xch'unojicone, más lec ac'u yich' chucbel jp'ejuc stanal muc'ta cho' ta snuc', ac'u yich' jipel yalel c'alal to ta chac nab.

»¿C'usi chanopic? Ti c'alal oy jun vinic ti oy cien (100) xchije. Mi ich'ay jcotuque, ¿mi mu lamaluc chicta comel ta vitstic li noventa y nuevee (99) ja' chba sa' tal li jcot ch'ayeme?