ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Atsov̄angua kula tsozi matsoni hawo; ufa kautsoka tsena, wala kav̄utsoka tsena musiɓa, ɓila shililo, wala utungu, mana trongo za handra ziv̄iri.»

Na Ule aka aketsi shiriju mwa ufalume arongoa: «Tsini, nisufanya amba piya zike pia!» Arongoa raha: «Angiha, mana marongozi yao yastahiki uaminifu, tsena kweli.»

Tsikia ulawa hari mwa ishiri ya ufalume ji lendza nguvu larongoa: «Tsini, makazi ya Mungu ya v̄umoja na uwanadamu. Atsoẽshi v̄umoja na wao, na wao watsoka umati wahe, na Mungu waye-waye atsoka na wao.

Aniambia tsena: «Zitsimidziha. Wami ɗe Alfa na Omega, uMwandro, na uMwiso. Uwo aliona nyora, nitsomuv̄a anwe hari mwa lidzitso la maji ya uhayati ɓila uliv̄a.

Uwo ashindra, atsoarithi trongo zini. Nitsoka Mungu wahe, na waye atsoka mwana wangu.

Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»

Ɓas, tsiono pev̄o pia na shiv̄andre ya tsi pia, mana ipev̄o ya handra na ishiv̄andre ya tsi ya handra zika zihiɓu, na iɓahari kayaka tsena.

Amwesa tsiono ushuka ulawa pev̄oni ha Mungu liƊago Dzitwaharifu, iYerusalemu pia, yatayarishiwa mauri mutrumushe arengeledzewa apare mume wahe.

liƊago kalatama lijua ɓila umwezi amba ziliwaliye, mana utukufu wa Mungu usuliunishia, na kombe lalo ɗe uMwana Ɓariɓari. ziNishani zitsoendra ha iheu yalo, na yamafalume ya shiv̄andreju mwa tsi yatsoliv̄ingia utukufu wawo.