ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Wananyangu, namuone mauri ndzia imuv̄ingiaoni furaha ya kusudi mwamoparwa na midjereɓio ya namuna ha namuna, ha ujua amba umudjereɓio wa uaminifu wanyu umudzaliani ustahamilivu.

Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo.

Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha

Ɓasi ustahamilivu nautsimidze hazi zawo, ile muke watru watsimu, tsena mukamilishihe hari mwa piya yimikaɓala, mwasukosewe na itsokao yotsi.

Namutriye ndziani uUrongozi, ɓadi isuke amba musuuvulishia tu ɓasi, ha udzilaɓa wanyu wenyewe.

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

Kula neema ndzuzuri, kula zawadi ndzikamilifu, izo uja ulawa uju oho ha Ɓaɓa Monyewe uumba zinuru ya shimbinguni, alio amba haheju kav̄u mugaudzio, wala mungio shidza.

Mana neka mutru asuvulishia Urongozi amwesa kasuutria ndziani, waye ufana na mutru aangaliao sura yahe hari mwa shiɗo, ata amohisodziangalia, waye uɗela kamwe v̄ale namuna alio.

iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.

V̄usuke ata mutru amodjereɓulwa uzainiwa, arongoa amba Mungu ɗe amudjereɓuo. Mana Mungu kashindri udjereɓulwa na uovu, na waye-waye kadjereɓu uzaini ata mutru. Ɓadi kula mutru udjereɓulwa ha ngushauku zahe monyewe zimuvurao na umuv̄inga.

uMwananya wa shi uaminifu mwendza daradja ya shi utsini, nadzifaharishe na muhudzio wahe mbeli za Mungu.