ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Dai go Pabora mos daama darai gï noonobi bai dibia Diuxi Ibhïadï ïgai ïmadï. Daidi ñiño ïgai mui naana maaxi ñokikïdï ix makïdï mai maatïkatadai ïgai dai aagai ñoki ix makïdï gïn maa Diuxi sai aagana.

Dai Diuxi maa gubukadagai Pabora saidi ibuadana ïgai mui naana maaxi ix makïdï ïïgi Diuxi bhaiga xi buadagi. Dai go odami buyiña Pabora pañiñitugadï ïmadï taagiana nagiakarui ix makïdï bhïï aimïraiña Pabora aatabuadatai dai bhïkaiña xako darajatadai kokokoñiadï. Podukai maigobai imïiña kokodagai dai asta Diabora tïtïañikarudï daadagitoiña odami.

Daidi ïmo imidagai ïmo Diabora tïañikarudï ïrana dajatadai ïmo odami dai aa noraidi ïgai ñokidï go ix makïdï busaidadankaiti daidi itïtïdai, —Kïï maatï aanï Suxi dai Pabora ïpï dïï borï aapimï dai pomaaxi ñokai— itïtïdai.