ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Maiti gï dagito ïpï xi jaa soi dukai gï nïijadagi utudukatai aapi kia dai bhaiyoma kïïga ibuada aapi dai kïïga ñokada dai kïïga buaboitudada dai kïïga oigïdada aapi jaa. Kïïga buañixikami dukai oidaka tudu dai podukai tïïgida go gaa buaboitudadami ix dukatai gï agai ix oidakagi ïgai.

Dïï gia maiti gï agai xi ïïgiada aapi go naana maaxi ñoki ix makïdï ïr go ïï aatagi dai ix makïdï maiti ïr soiñi. Dai gï agai bhaiyoma xi bïïx tasai tïgitotulda aapi gï ibhïdaga Diuxi sai gï ïïmadaiña aapi xi oijadagi Diuxi. Sïïrhikïdï ïr soiñi tudu xi gïr ïïmadatulda aatïmï xi oijadagi Diuxi. Daiñi mui odami kabami aaduinturhiña tukugadï ïïmada ïrhiditai ïmo aaduindagai xiïpï ïmo tïtïïbigai dai gobai mosïkaxi palïpi ïr soiñi tami idi oidigi daama oidakaradï bïïtarï. Dïï gia xi ïïmadagi ïmoko ix oijadagi Diuxi gobai gia gïïpi ïr soiñi. Gobai ïr soiñi gïr oidakaraga bïïtarï tami idi oidigi daama dai gokiïrï ïr soiñikamu bïïxkïrï bïïtarï ïpï.

Kïï gï tïgito nïida ix dukatai oidaga aapi tudu dai ix tumaxi tïtïïgiadagi aapi go gaa. Gï agai xi apia oijada aapi ibuadatai ixtumaxi gï aagidi aanï. Xi pobuadagi aapi aidï gia aataduñimu Diuxi aapikïdï saidi kïïgakïrï busaiña aapi ïmadï go gaa ïpï kaïkatai ïgai gï aatagi.

Diuxi Suxi Kristokïdï gïr tïïgi ix tumaxi ïr buaboi tudu. Dïï gia Diuxi Ibhïadï kïïga gïr aagidi ïpï sai xibi tuigako karhioga ugitïkai oidigi sai mui óídakami dagito agai go buaboikïdï buaboidaragai dai bhaiyoma ïïgiadamu tïgibudagai ix makïdï ïr yaatagi. Ïïgiadamu ïgai maakadami aatagi yaatabogami tudu ix makïdï buimu tïgibudadï diabora tïtïañikarudï dai ïgaikïdï gamaakadamu aatagi.

Dïï gia maiti gï agai xi ïïgiada aapi go naana maaxi ñoki ix makïdï ïr go ïï aatagi dai ix makïdï maiti ïr soiñi. Dai gï agai bhaiyoma xi bïïx tasai tïgitotulda aapi gï ibhïdaga Diuxi sai gï ïïmadaiña aapi xi oijadagi Diuxi. Sïïrhikïdï ïr soiñi tudu xi gïr ïïmadatulda aatïmï xi oijadagi Diuxi. Daiñi mui odami kabami aaduinturhiña tukugadï ïïmada ïrhiditai ïmo aaduindagai xiïpï ïmo tïtïïbigai dai gobai mosïkaxi palïpi ïr soiñi tami idi oidigi daama oidakaradï bïïtarï. Dïï gia xi ïïmadagi ïmoko ix oijadagi Diuxi gobai gia gïïpi ïr soiñi. Gobai ïr soiñi gïr oidakaraga bïïtarï tami idi oidigi daama dai gokiïrï ïr soiñikamu bïïxkïrï bïïtarï ïpï.

Gï dibidamu aanï amïka dïï asta xïxkadï aiyagi aanï gï agai xi gïn ïmpaidagi aapimï. Dai ami gïn ïmpaiñdaragïrï gï agai xi nïñiada aapi Diuxi ñokidï aagaitai go gaa buitapi ix kaiti gobai sai go gaa kaïkana. Gï agai xi podukai abïnakidada aapi go gaa dai tïtïïgiadagi ñoki.