ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

I Ajwal xub'ij che ma Moisés: —Chakojo retalil iri, Yin kin-an ni chawe chi pacha taq at dios chwach ma faraón, xaq i awatz chi ma Aarón are ire k-atsaw atzij chwach ma faraón chi ajawinel.

Yin kin-an ni ko che uk'ux ma faraón, tupu kin-an ni nimaq taq k'utb'al re xaq nimaq taq anik, lik chila uri pa Egipto, xwiri ma faraón kkojon ti chiwe. Xwiri Yin kink'ut ni incho'ab' chke aj Egipto, elsab'al b'i ke aj Israel chi lik je intinimit, xwiri lik ru' atb'al tzij suk'ulik kin-an ile.

Are ink'utum chik incho'ab' pa Egipto xaq are kewesaj b'i aj Israel chila, kketamaj ni uri aj Egipto chi Yin in Ajwal. Keje ile xub'ij i Dios che ma Moisés.

Xwiri ma faraón xeusik'ij ni'pa o kino'oj xaq ni'pa i je aj-ij chi je aj Egipto, xaq ike le xki'ano pacha xki'an ma Moisés xaq ma Aarón; chkijujunal ike le xkik'aq b'i kich'amiy chwach ulew, xaq xeyiji che i kumatz; xwiri i uch'amiy ma Aarón xeub'i' b'i kich'amiy aj-ij chi xe'on kumatz.

Rumali i Ajwal kub'ij: Wo'or lik kawetamaj na chi Yin in Ajwal. Man ru' i ch'amiy chi o pin-ab'i kinyin ni i raqana Nilo, te'uri ronojel i raqana le lik k-on ni kik'.

—I ma faraón are kub'ij chiwe: Chi'ana jun nim laj il, are uri yet kab'ij ni che ma Aarón chi kuk'aq b'i uch'amiy chwach ulew chila chwach ma faraón; man i ch'amiy le k-on ni jun kumatz. Are uri ma Moisés xaq ma Aarón xe'e chwach ma faraón, xki'ano pacha xb'ix chke rumal i Ajwal. I ma Aarón xuk'aq b'i uch'amiy chwach ulew chila chwach ma faraón xaq chkiwach i je raqan u'ab', are uri i ch'amiy le x-on jun kumatz.