ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Uum nunam yugatun kiyaghtegpenasi. Yeghlegi Kiyaghneghmun allangughtestek nutaghtesluki umyugasi. Taagken liigikelleqaghsi piyukellgha Kiyaghneghem pinilghii, tuguklighyugnalghii, qamagtiingwaaghngalghiillu.

Ugpeqaalgutemni, Kiyaghneq nangllegtapigtutanganeng, elngaatall kayemamsi tuunesqelluki yugusisi Kiyaghneghmun unguvalghiinguluki aghqutet. Pelungillit, tuguklighyugnaghlitlu Kiyaghneghmun. Taananguuq maniguutellepigsi.

Quyangatek qayughllak sighimallelguusi, nuqetaqitek nekeggmellusi seghleliineghpesini, yughaghaqiteklu iiwleng.

Kayaalqestegpenasi seghleghmun, itupill kayaalqiteggu seghleq pinitun pilleghqun.

Piniqututek anglegutkullghiistun. Quulvaatutaqitek pakiggulluku quulviisqesulleghpesineng.

Piniqitek ipapighqellusi. Ugumikluku seghleq, piyukumanginaghteggu sangwaa pinilghii.

Piyaghqaakan, piiqiteggu sangwaa piyaghqaghsi kiyaghtesqellusi nekeggmellusi tamaghhaanun.

Piniqegkamni, akiniighnaqegpenaki seghletun pistesi, itupill pegteki Kiyaghneghem sakraallghanun. Akuzitni Igaqegkani igaqngalghii whaten, “Whanganguuq aghyuughiyaghqaq, whanganguuq akiniighyaghqaq, piiq Ataneq.”

Taakunginaghhaagneng qepghaghtek, ighsanifqaafsi. Sagiqulluku qepghaataqiteggu Ataneq qamaken ilugpesineng.

Kiyaghneghem tuunegkaqutanganeng tunusameng apostle‑ngulunga, tamaghhaghpesinun piinga: Sumeghtaghaatkegpenasi elpesineng pinighataghaghnilusi ayuqelleghpesineng. Yeghlegi ipapighqellusi sumeghtaghaatkaqitek ugpeqilleghtulegpesigun Kiyaghneghem tuunegkaakun elpesinun.

Kitum seghletun pikangisi, akitegpenaki seghletun. Piiqiteki pinilghiit tuguklighyugnalghiit tamaghhaanun.

Kiyaghtek nekeggmetullusi. Qukaayugtegpenasi yeghlegi ilakiteki ukavantalghiit. Sumeghtaghaatkegpenasi peghqinghunilusi ilagpesineng.

Igaqngaaqlu Akuzitni Igaqegkani, “Anguyagen iyataangukan neghesnaken, meqsugukan meghsinaken. Tawaten pikuvgu naasqwakun mayughfikelleqan kumangalghiimeng coal‑meng.”

Yughaatkaqiteki amyuqetaatkistesi Kiyaghneghmun quyastesqelluki, nakaan aqnightesqelluki. Quyalgusighaqiteki tamaakut quyalghiit, qiyalgusighaqiteki tamaakut qiyalghiit.

Ugpeqaalgutegpesinun aklulghiinun tuuniiqitek, upughatiiqitek kinkuneng alngunak.

Yugusiput nalighneghtupigtut, tamaghaghmi nalighneq allatun sayaghqaaguq. Uglaghyaghngaamta, ataasigukut Christ‑am yugusiini. Enkaam whangkuta nalighneghni whangkunneng pikutukut.