ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

അദ്‌ണാലെ ണാന് ണിമാക്കെ സൊല്ലുറെ, ണിമ്മ എന്താറ്റ്‌ക്ക് ബേ്ണ്ടി പരേസ്‌ഗാട്ടി അദ്‌ഗെല്ല കെ്ഡേത്ത്‌ദ് എന്ത് ണമ്പിരി. അച്ചെ ണമ്പിന ണിമാക്ക് അദ് കെ്ഡേക്കു.

ണേര്‌മായിമ് ണാന് ണിമാക്കെ സൊല്ലുറെ, ലേസ ഗൂഡി ണിമ്മ് മനേസ്സിലി സന്തേഗ ഇല്ലാദെ ണാന് സൊല്ലുറ പാസെ ണഡാക്കു എന്ത് ണമ്പിക്കോഡെ ഈ മലേന <ഇദിലിര്‌ന്ത് അഡ്യോഡെ പ്‌ഡാങ്കി പോയി കഡാല്‌ക്കെ ബീ്> എന്ത് സൊന്ന അദേപാസെ ണഡാക്കു.

ണിമ്മ പരേസ്യ ണില്ല്‌ഗാട്ടി, ആരാറ്റോഡെ ണിമ്മ് മനേസ്സിലി എന്താറ്റിര്‌ന്ത അദ്‌ണ ണിമ്മ പൊറുക്കുഡൊ. അപ്പ് ണിമ്മ് പാവഗണാമ് മേലോഗാത്തിലി ഇര്‌ക്ക ണിമ്മ് അപ്പനാന സാമി പൊറുക്കുവാ്.>>

അക്കുളെ ഏസു ഇച്ചെ സൊന്നാ്: <<ണിമ്മ സാമിന ണമ്പിരി.

അദ്‌ക്ക് പ്‌റ അയാള് ആള്‌ഗാക്ക് ഇച്ചെ ബുദ്ദിണായ സൊന്നാ്: << <എന്ന് കൂരേന എല്ല ആള്‌ഗാമ് പരേസ്‌റ കൂരെ എന്ത് സൊല്ലുവാര്> എന്ത് എ്ള്‌ദി ബെക്കാലേഗ? ആന ണിമ്മ അദ്‌ണ <ത്‌റ്‌ട്ടാര് തങ്ക്‌റ അളെ> ആക്കി എക്കിര്‌ക്കേര്.>>

ഏസുദ് മുന്നുക്ക്‌മ് പിന്ന്‌ക്ക്‌മ് ണഡാന്ത് കൊണ്ടിര്‌ന്ത എല്ലാര്‌മ് ഇച്ചെ ആലാത്ത് ക്‌ളാമ്പിനാര്: <<ഓസാന! <ആണ്ടവാന്‌ദ് പേരിലി ബരവാ് ബാഗ്യക്കാറാ്!>

ബര്യ പോര ണമ്മ് പാട്ടാ് ദാവീദ് സീമെ ബാഗ്യ കേ്ട്ടാദ്. എല്ലാദ്‌ണ ബ്‌ഡ ഉജാന്തവാന്‌ക്ക് ഓസാന!>>