ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ആന ണല്ല മണ്ണ്‌ക്കെ ബ്‌ന്ത ബെദെ എങ്കാദൊ, സാമി സൊല്ലുസുലാക്കണ കേ്ട്ട് ണല്ല മനേസ്സോഡെ അദേപഡി ണഡാക്കവാര്‌മ് എന്ത ബന്താല്‌മ് പൊറിമോഡെ ഇര്‌ക്കവാര്‌മ്‌ത്തെ.>>

മുള്ളു സെ്ഡി പട്ട്‌ക്കെ ബ്‌ന്ത ബെദെ എങ്കാദ്, സാമി സൊല്ലുസുലാക്കണ കേ്ട്ട് ണഡാക്കവാര്‌ത്തെ. അച്ചെ കേ്ട്ട് ണഡാക്കവാര് ആനാല്‌മ് അവാര് മനേസ്സിലി അര്‌ക്കഗാമ് ണല്ല സുഗത്തോഡെ പെ്ളേക്ക്യുള്ള ആസെഗാമ് അവാര്‌ണ സാമി സൊല്ലുസുലാക്ക പഡി ണഡാക്ക്യ ബ്‌ഡാദെ ആക്ക്യെക്ക്‌ദ്.

അറേല്യ മണ്ണ്‌ക്ക് ബ്‌ന്ത ബെദെ എങ്കാദ്, സാമി സൊല്ലുസുലാക്കണ കേ്ട്ട് പിര്യപിര്യാത്ത് തങ്കാരിക്കവാര്‌ത്തെ. ആന ബേര് ഇ്റാങ്ക്യ മണ്ണ് ഇല്ലാത്താദ്‌ണാലെ അവാര് ഒരു ലേസ ണാള് ണമ്പിക്കോഡെ ഇര്‌ക്കാര്. സോദണെ ബര്‌ഗാട്ടി ണമ്പിക്കേന തള്ള്യെക്കാമ് സെയ്‌രാര്.

ഏസു തന്ന് സൊല്ലുപഡി ണഡാക്കവാര്‌ണ കേ്ട്ടാ്: <<ണിമ്മ്‌ദ് ണമ്പിക്കെ ഏദിലി?>> അക്കുളെ അവാര് കോവെ പ്‌ഡിത്ത് അദിസ്യത്തോഡെ: <<ഇയാള് എപ്പോറ് പട്ട ആള്? കാറ്റ്‌ണാമ് തെരെനാമ് <അഡാങ്ക്> എന്ത് സൊല്ലുറാ്. അദ് അദേപാസെ കേ്ക്ക്‌ദ്>> എന്ത് തമാക്ക് തമാക്ക് സൊന്നാര്.

ബയ്യിക്കെ ബ്‌ന്ത ബെദെ എങ്കാദ് ഒരുത്താ് സാമി സൊല്ലുസുലാക്കണ കേ്ക്കാദ്‌ത്തെ. ആന സെയിത്ത്യാ് ബന്ത് അയാള് കേ്ട്ടാദ്‌ണ മറാന്ത് തള്ള്യ ബെക്കാ്. അദ്‌ണാലെ അവാര്‌ക്ക് ണമ്പ്യമുഡ്യാദെ ദെങ്കി കഡാക്ക്യ പറ്റാദായെക്ക്‌ദ്.

ബെ്ള്യെ കഡാക്കാദെ മറേന്തിര്‌ക്കാദ് ഒന്റുമില്ലെ. മുച്ചി ബെത്തിര്‌ക്കാദെല്ല ആള്‌ഗാക്ക് തെര്യാദേമ് ബെ്ള്യെ ബരാദേമ് ഇര്‌ക്കമാട്ട.

അക്കുളെ ഇനി ഒളിന്തിര്‌ക്ക്യ മുഡ്യമാട്ട എന്ത് തെരിന്താദ്‌ണാലെ അവ സദ്‌റബെ്ട്ടി കൊണ്ട് ഏസുദ് കാല്‌ക്ക് സഡാങ്ക ബ്‌ന്ത. പ്‌റ ഏസുണ താന് എന്ത്‌ക്ക് അണ്ണിനാദ് എന്ത്‌മ് അണ്ണ്‌ഗാട്ടി എച്ചെ ണോയി തെ്ളിന്ത്‌ദ് എന്ത്‌മ് എല്ല ആള്‌ഗ മുന്നുക്ക് തുറാന്ത് സൊന്ന. അക്കുളെ ഏസു അവാക്കെ: <<അമ്മെ പൊന്നി, ണിന്ന് ണമ്പിക്കെ ണിന്ന് ണോയിന തെ്ള്‌സിറ്റ്. ണീ ണിമ്മദ്യോഡെ പോ>> എന്ത് സൊന്നാ്.

ഏസുദ് സൊല്ലുപഡി ണഡാക്കവാര്: <<പണ്ണാഡ്യെ, പണ്ണാഡ്യെ, എമ്മ തണ്ണിക്ക് മുങ്ക്യെക്ക്യ പോരേര്>> എന്ത് സൊല്ലി ഏസുണ ഒളേത്ത് ഏ്ത്തിനാര്. അക്കുളെ ഉറാങ്കിര്‌ന്ത ഏസു എ്ന്താ്. പ്‌റ കാറ്റ്‌ണാമ് തെരെനാമ് <<അഡാങ്ക്>> എന്ത് കെഞ്ച്യെ്ഡ്‌ത്ത് ബ്‌ട്ടാ്. അക്കുളെ സപ്പെന്താറ്റ്.