ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Muhitthareke mweettelo wa elapo ela, mene mutatuxiwe ni oreherera wa soowuupuwelasanyu. Hiiho nyuwo mmwiiwexexe ti heeni otthuna wa Muluku, eyo tiiyo, ti heeni yooreera, yoomusiveliha ni yookwanela.

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

Muhakalaleke munroromeloni, mukhale ni ovilela moothananani, mpwaherereke mmavekeloni.

Muhiwiniwe ni yoonanara, mene ngwine yoonanara ni yooreera.

Musivelaneke mukina ni mukhwaawe ntoko axunna. Fataari mwaattittimihe akhwiinyu muhinaaye asineenaanyu.

Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera.

Wawereya, mukhaleke ni murettele ni atthu ootheene.

Oosiveleya, muheettele isikula, mene muhiyere yeeyo wa isara sa Muluku, niwoko yoolempwa: “Apwiya yeenre: ‘Isikula ti sawaka. Miyo nkittaruxe.’”

Nihoohaleelekeni nthiti, mwiiminyaalele mmunepani, mwaarumeeleke Apwiya.

Vano, ni mahala kivahiwaaka, kinooleelani ootheene nyuwo weera muhiixooneke woopwaha ontthuneyaaya. Ohiyanawaya, mukhale oohiixoona. Khula mutthu iiwehaweheke ni muringo wa nroromelo Muluku oovanghaaweni.

Muhaakakhane wa mukina yoonanara ni yoonanara. Mwaasaase opaka yeeyo eri yooreera vamaithoni wa ootheene.

Mukhaleke ni murima mmoharu mukina ni mukhwaawe. Muhikhale oowiixoona, mene mukhale oolikaneene mwiiwananaka ni atthu oohittittimiheyaxa. Muhiisuwele weera muri asuweli.

Ohiyanawaya: “Mwiittanaanyu avoliwa etala, mumvaheke yooca, avoliwa ntthona, mumvaheke yoowura. Mwapaka yeeyo, nyuwo mmwimwaandyeerere wuuliwawawe muru.”

Mwaareeliheke yaawo anoosoondani, mwaareeliheke ni muhaalapheke. Muhakalaleke ni yaawo anghakalala, ni mwiinleke ni yaawo aniinla.

Mwaakawele ootteela seiyo awo anghaawelaaya, ni ngwaakheleke nnene yaawo anoophiyerelani.

Hiiho ntoko khula mutthu a hiyo okhalannaawe erutthu emoha ni mipatta sincipale, ni mipattasene seiyo khasimvara muteko mmoharu, hiihotho hiyo nri ancipale, nimpaka erutthu emoharu mwa Kristu, ni mpatta ti mpatta ontthukiwa vamoha ni mipatta sootheene sikina.