ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Muvekele, ni mmwivahiwe. Mwaasaase, ni mmwiphanye. Mmane nsele, ni mmwihuleliwe.

Vano, ootheene amvekela, animwaakhela; ootheene anaasa, anoophwanya; ni wa yoole ommana nsele, anaahuleliwe.

Tivawo, yoowo oniiwa maswaaka yaala ni oniiwelela, ori ntoko namiruku otenke empaawe vamwala.

Mwa soothesene, mwaapakele akina yeeyo muntthunaanyu weera yoopakeeni. Vano, ela ti ekwanihero ya malamulo ni maprofeeti.

Mulakotho woophureya ni ephiro yoophureya enrowa wa okumi! Yaawo amphwanya, ari vakhaani.

Muvolowe mulako woophureya, niwoko mulako woothanuwa ni ephiro yoothanuwa enrowa omooroni, ni ancipale ti yaawo amvolowa mwa yoowo.

Wakhala weera nyuwo mureene anamattheka moosuwela waavaha itthu sooreera anamwanaanyu, wootepaxa Atithinyu ari wiirimu eniyaavahe itthu sooreera yaawo anaavekela!

Muhaathorihe akina weera nyuwo muhithorihiwe. Vano, mooteene yoowo munthorihaanyu, nyuwo munoothorihiwa, ni muringo mumvarelaanyu muteko, onoovareliwatho muteko wa nyuwo.

Vaheera yoowo oniiwa maswaaka yaala ni ahiiwelela, ori ntoko mutthu oohileeleya otenke empaawe vamuhaavani.

Niwoko heeni mungwehaanyu ekokhola eri muniithoni na munninyu, mene khamunoona mukhukulu ori muniithonimwanyu? Mungwera hai omweerela munninyu: ‘mukihiye kivenxeke ekokhola eri muniithonimwanyu,’ nyuwo mureeneno mukhukulu muniithonimwanyu mwaneenaanyu?

Mwiipasoope ni maprofeeti oolokottha. Awo angwa wa nyuwo ewanreene ixapala sa ikhondoolo, mene mpuwa ari miici soolumaxa. Nyuwo mmwaasuwele ni soowiimasaya. Atthu anoowera orukula iwuuva* mwa nyiri sa nyiiwa, hoye hoye ifiigu mwa malaxi?

Hiihotho nyiri sooreera sootheene siniima soowiima sooreera, mene nyiri soonanara siniima soowiima soonanara.

Mwiri wooreera khooniima soowiima soonanara, naari mwiri woonanara soowiima sooreera.

Nyiri sootheene sihiniima soowiima sooreera, sinoothikiliwa, ni sinoovonyeriwa omooroni.