ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Siviraka iwoora tthaaru iye, Yeesu aakhuwela ni nsu ntokotoko: “Eloyi, Eloyi, lama sabaktani,” entaphulela: “Mulukwaaka, Mulukwaaka, niwoko heeni mukihingyaanyu?”

Ehuhuweene yeele ekuwo etokotoko ya Empa ya Muluku yaahaahuwa, ekawanyeyaka okhuma vasulu mpaka vathi. Etthaya yaatetereiya ni nyala saaphweeya. Mahiye yaahuuhuwa, ni mittembo sa atthu ootteela ancipale yaakhwiiye saavenyererihiwa.

Aakhuwenlaawetho ni nsu ntokotoko, Yeesu aahookhwa.

Oonakaru kenturiyoni* ni yaawo yaamulipelenle Yeesu ni yoowo otetereiya ni sootheene seiye seereiye, yaahoova vancipale yeeraka: “Vekhaikhai, Ola aari Mwaana a Muluku.”

Yaakhala epiphi mweelaponi yootheene wa iwoora tthaaru okhuma nsuwa vamuru.

Pilatu aahaakoha: “Keereke hai ni Yeesu oniitthaniwa Kristu?” Ootheene yaamwaakhula: “Munkhomele!” Pilatu aahaakoha: “Niwoko heeni? Yoonanara heeni opankaawe?” Awo yaatepaxa okhuwelatho: “Munkhomele!”