ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Kin uya yeiku màlà, ‘Ailon kulu sàlà, yà'là yattai là sàlà kussak auya'nokon utonpa yamùk lùkkwà winàkàik yau, uponaloppe ikussak auya'nokon màlà!’ tukaik.

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Masapùla yà'làlà yesappe tùwessen, lepa màlà eke peiwa, molopai nen uchi eke pe itesappe iwechi màlà, tùse mùkkàlà yà'là pùla nai'nùk, winàpai malalon nà itesappe iwettok mokka màlà.

“Enpen uchi ettàk kon, masapùla Kàyik Mumu uyàttok weyu ittu auya'nokon pùla man,” teppù Jesus uya.

Masapùla wapàkkassak wechippù molopai uyewetùppù auya'nokon. We'nakklipasak wechippù molopai uwoppappù auya'nokon. Kaklan pe wechippù molopai uyanùmùppù auya'nokon apatassek kon yak.

‘Wakù kussak auya man! Wakù molopai ailon uyapyoto, ailon pe ewessak man malalon nùkkwà pùlayatta pilipù pàk. Màlàpàk àtùlù uya màlà eke mainanpa pa. Àikkà molopai utauchinpa tonpa pe ewechi pa,’ teppù itepulu uya.

Ipon pùla wechippù molopai upontàppù auya'nokon. Eneppe wechippù molopai umainanpappù auya'nokon. Patikichi tau wechippù molopai ukakklanpappù auya'nokon,’ te màlà Kin uya.