ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

हर ज़ैगा बढणअ पाप, खास्सै मणछा छ़ाडणीं झींण अर झ़ूरी करनी। पर ज़ुंण मुंह दी खिरी तैणीं विश्वास डाही सबर करे, तिंयां हेरनै बच़ाऊई।

स्वर्ग राज़ो खुशीए समादो प्रच़ार खोज़णअ सारै संसारै सोभी लोगा का ताकि सोभी देशे लोगा लै खुशीए समादा मनणैओ मोक्‍कअ होए, तेखअ हणअ अह संसार खतम।

“ज़ेभै तम्हां का देशै जुध हणें अर जुधे गल्‍ला शुण्हिंए, तेभै निं तम्हैं डरी। किल्हैकि ईंयां गल्‍ला हणीं आसा ज़रूरी, पर तेभै निं संसार खतम हणअ।

एकी देशे लोगा पल़णअ दुजै देशे लोगा लै चुटी, एकी राज़ा करनअ दुजै राज़ा संघै जुध। ज़ैगै-ज़ैगै हणीं ज़ाज़री अर कई ज़ैगा पल़णै नकाल़। अह हणीं दाह-दुखे शुरूआत ज़ेही कहा बेटल़ी सूंणें दाहे शूल़ उझ़िआ।

सरग अर पृथूई टल़णीं पर मंऐं ज़ुंण गल्‍ला बोली, निभणी ज़रूर एही ई।

कई एछणैं तम्हां सेटा मेरै नाओंऐं अर तिन्‍नां बोल़णअ इहअ, ‘हुंह आसा सह मसीहा ज़ुंण परमेशरै आसा छ़ाडअ द।’ खास्सै मणछा करनअ तिन्‍नें गल्‍ला दी विश्वास।

तेभै करनै लोगा तम्हैं कैद अर तिन्‍नां करनै तम्हां लै ज़ुल्म। कई पाणै तम्हां मांझ़ै तिन्‍नां मारी। हर देशे लोगा डाहणीं मुंह दी विश्वास करनै पिछ़ू तम्हां संघै ज़ीद। तेभै हणअ इहअ कि ज़ुंण एभै मुंह दी विश्वास करा, तिन्‍नां छ़ाडणअ विश्वास करनअ। तिन्‍नां डाहणीं आप्पू मांझ़ै ज़ीद अर मेरै च़ेल्‍लै मांझ़ै बझ़ैल़णै तिन्‍नां कई कैद करनै। खास्सै झ़ुठै गूर निखल़णैं अर तिन्‍नां पाणै मुंह दी विश्वास करनै आल़ै मांझ़ै खास्सै मणछ कबाता।

ईशू बोलअ तिन्‍नां लै, “तम्हैं डाहै धैन! तम्हैं निं लोल़ी कुंणी झ़ुठी गल्‍ला खोज़ी कबाता पाऐ।

इहै ई रहा तम्हैं बी हर बगत तैर्हुई। किल्हैकि हुंह मणछो पूत बी एछणअ तैहा घल़ी ज़ेभा लै तम्हैं सोठअ निं हणअ।

“तैही रहै तम्हैं बिऊंतै, किल्हैकि तम्हां का निं इहअ थोघ आथी कि थारअ प्रभू कहा धैल़ी एछणअ।

“तैहा धैल़ी अर तेऊ बगतो निं कोही का थोघ आथी कि ईंयां केभै हणीं। नां एतो थोघ स्वर्ग दूता का आथी अर नां पूता का। पर ऐहा गल्‍लो थोघ आसा सिधअ बाब परमेशरा का।

“किल्हैकि झ़ुठै मसीहा अर झ़ुठै गूर निखल़णैं अर तिन्‍नां पाणै बडै-बडै नछ़ैण अर च़मत्कार रहैऊई कबाता। ज़ै तिन्‍नों बश च़ले, तिन्‍नां तिंयां मणछ बी कबाता ज़ुंण परमेशरै आसा छ़ांटै दै।

“ज़िहअ म्हारै दाद-बाब नूहे ज़मानैं हुअ, तिहअ ई हणअ मुंह मणछे पूतो फिरी एछणअ बी। किल्हैकि ज़िहै पाणीं करै हुई दी प्रल़या का आजी ज़ेभै तैणीं नूह ज़हाज़ा भितरी नांईं बेठअ, तेभै तैणीं रहै लोग खांदै-पिंदै अर तिन्‍नां मांझ़ै रहा ती बैह शादी हंदी। ज़ांऊं तैणीं तिंयां पाणींए प्रल़या दी डुबी मूंऐं निं आथी, तेभै तैणीं निं तिन्‍नां का किछ़ बी थोघ लागअ। ठीक तिहअ ई हणअ तेभै बी ज़ेभै हुंह मणछो पूत फिरी एछणअ।