ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

तूह बोलै तिन्‍नां लै इहअ, ‘हुंह थारअ परमेशर बिधाता बोला मेरै सोह! हुंह निं कदुष्ट मणछा मरना लै बी खुश हंदअ। हुंह हआ तेता लै खुश ज़ेभै कुंण कदुष्ट मणछ पाप करनअ छ़ाडी मरनै का बच़ा। इज़राईलीओ, बूरअ करनअ छ़ाडा, तम्हैं किल्है आसा मरनअ हिछ़अ द?’

“मणछा, ऐबै लाअ मंऐं तूह इज़राईले आद-लुआदे फाज़त करनै आल़अ पहरी डाही। तूह दैऐ मेरी गल्‍ला खोज़ी तिन्‍नां लै चतैनगी।

ज़ै तूह कदुष्ट मणछा लै चतैनगी दैए अर सह पाप करनै का पिछ़ू नांईं हटे, तै मरनै तिंयां तिन्‍नें पापा पिछ़ू अर तेखअ निं तेरअ तेता लै किछ़ै दोश आथी।”

पर ज़ै इहअ होए कि सह पहरी दुशमणे सैना जुधा लै एछदी भाल़े अर नर्शिंगै बाज़ी लोगा लै चतैनगी नांईं दैए! तेखअ ज़ै दुशमणे सैना एछी लोगा मारी पाए। तिंयां मणछ, मरनै तिन्‍नें पापा पिछ़ू पर तिन्‍नां मारनैओ दोश लागणअ तेऊ पहरी लै। किल्हैकि तेऊ निं तिन्‍नां लै तैहा आफ़ता का बच़णा लै चतैनगी दैनी।’

तेऊए मौत हणीं तेऊए आपणीं गलती करै। किल्हैकि तेऊ निं चतैनगी दी धैन ई दैनअ। ज़ै तेऊ धैन दैनअ हंदअ, तै सका त सह मरनै का बच़ी।