ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

तेखअ बोलअ बिधाता मोसा लै, “तेरअ भाई हारण हणअ ताह बाखा बोल़णैं आल़अ। तेऊ खोज़णअ मिसर देशे माहा राज़ै का तेरअ समाद, ज़िहअ एक गूर मेरअ समाद लोगा का खोज़ा।

“पर मुंह करनअ मिसर देशे माहा राज़ैओ मन्‍न होर बी काठअ अर तेऊ निं थारी गल्‍ला शुणनी, तेथ च़ाऐ हुंह ज़ेतरी बी घोर डरैऊंणै आल़ी गल्‍ला करे। तेखअ दैणीं मुंह खिरी मिसर देशे लोगा लै एही घोर सज़ा कि तेता बाद दैणअ मिसर देशे माहा राज़ै मेरी इज़राईली परज़ा डेऊणैं।

“ज़ांऊं मुंह आपणअ बल रहैऊई करै आपणैं इज़राईली मणछ काढी निंणै, तेखअ लागणअ मिसर देशे लोगा का थोघ कि हुंह आसा बिधाता।”

तेखअ शादै मिसर देशे माहा राज़ै आपणैं पंडत अर ज़ादू करनै आल़ै, तिन्‍नैं बी किअ आपणीं बिधी-सिधी करै तिहअ ई। तिन्‍नैं बी शोटी आपणीं-आपणीं शोठी धरनीं अर तिंयां बणी बडी-बडी दानुईं। पर हारणे शोठी करै बणी दी दानुईं पाई तिंयां होर दानुईं घुटी।

“‘तैही बोला बिधाता इहअ, “मंऐं लाअ ताखा ऐबै इहअ रहैऊई कि ताखा थोघ लागे कि हुंह आसा बिधाता।” मुंह बाहणीं आपणीं शोठी करै नील नदीए पाणीं दी अर सारअ पाणीं बणनअ लोहू।

बिधाता बोलअ मोसा लै, “ज़ेभै मिसर देशो माहा राज़अ ताल्है अर हारणा लै च़मत्कार रहैऊंणा लै बोले, तेभै बोलै हारणा लै कि आपणीं बाता हांढणे शोठी शोटै धरनीं राज़ै सम्हनै, सह शोठी बणनी दानअ।” मोसा अर हारण डेऊऐ मिसर देशे माहा राज़ै अर तेऊए कार-करिंदै सेटा, संघा किअ तिन्‍नैं तिहअ ई ज़िहअ बिधाता बोलअ त, हारणै शोटी आपणीं शोठी तिन्‍नां सम्हनै धरनीं अर सह बणी एक बडी दानअ।