ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“तम्हां का आसा आप्पै थोघ कि थारअ बिधाता ई आसा असली परमेशर। तम्हैं डाहै तेऊ ई संघै झ़ूरी अर तम्हैं करै तिहअ ई ज़िहअ सह हुकम दैआ। ऐहा गल्‍लो आसा पाक्‍कअ भरोस्सअ कि बिधाता निं तम्हां अर थारी आद-लुआदा संघै आपणीं करार हज़ार पोस्ती तैणीं बी चोल़दअ अर सह रहणीं सदा तम्हां लै बणी।

“इज़राईलीओ, तम्हैं आसा थारै परमेशर बिधाता आपणीं पबित्र परज़ा बणाऐं दै, ज़ुंण तेऊ आप्पू लै आसा छ़ांटै दै। सारी धरती दी आसा कई देश पर तेऊ छ़ांटै तम्हैं इज़राईली आप्पू लै।

पर बिधाता छ़ांटै तम्हैं ई किल्हैकि सह आसा तम्हां लै झणैल़ू अर तेऊ आसा थारै दादा-बाबा संघै करार किई दी। तेऊ आणै तम्हैं आपणीं महान बाहे बला करै मिसर देशे माहा राज़ै का छ़ड़ैऊई ज़ुंणी तम्हैं गलाम थिऐ बणाऐं दै।

सारी धरती दी थिऐ सोभी देशा मांझ़ै तम्हैं इज़राईली सोभी का कमज़ोर

बिधाता दैणीं तम्हां लै होरी देशे लोगा का खास्सी बर्गत। तेखअ नां तम्हां मांझ़ै कसरी अत्री हणीं अर नां थारै डागै-चैणैं बांढै हणैं।