ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

मोसा बोलअ इज़राईली लै इहअ, “इज़राईलीओ, ज़ुंण बिधाते बधान अर बिधी हुंह तम्हां का आझ़ खोज़ा, तम्हैं मनै तिन्‍नां सदा। तै बणाणैं बिधाता तम्हैं धरतीए सोभी लोगा का मशूर देश अर तेऊ दैणीं तम्हां लै हर गल्‍ला दी बर्गत।

मोसा बोलअ इज़राईली लै इहअ, “इज़राईलीओ, ज़ुंण बिधाते बधान अर बिधी हुंह तम्हां का आझ़ खोज़ा, तम्हैं मनै तिन्‍नां सदा। तै बणाणैं बिधाता तम्हैं धरतीए सोभी लोगा का मशूर देश अर तेऊ दैणीं तम्हां लै हर गल्‍ला दी बर्गत।

“बिधाते ईंयां बधान अर बिधी ज़ुंण मंऐं आझ़ तम्हां का खोज़ै, ज़ै तम्हैं इना मने, तै बशैल़णै बिधाता तम्हैं होरी सोभी देशा का आजू बडी पदबी दी अर तेऊ निं तम्हैं पिछ़ू डाहणैं। तम्हैं निं तेऊ कमज़ोर अर गरीब डाहणैं, तेऊ बणाणैं तम्हैं बलबान अर सेठ।

“बिधाता घुआल़णै तम्हां लै सरगे तिंयां पाणींए भढार अर सरग रहणअ बगती-बगती हंदअ लागी अर तेऊ दैणीं थारै सोभी कामां लै बर्गत। तम्हैं हणैं इहै सेठ कि तम्हां दैणअ कई देशा लै ऋण पर तम्हां निं आप्पू लै कहा का ऋण काढणें ज़रुरत पल़णीं।

“थारै दुशमण ज़ेभै तम्हां संघै जुधा लै एछे, तिंयां पाणै तम्हां हारी अर तिंयां ठुहर्नै तम्हां सेटा का सातै-बातै।

“ज़ुंण ज़ैगा बिधाता तम्हां लै दैणीं, तेऊ करनै तम्हैं तैहा ज़ैगा हर कामां लै सफल अर तम्हां लै हणीं एही बर्गत कि थारी नाज़े कठैरी रहणीं सदा भरी।

“तम्हैं ज़िधा लै बी डेओए अर ज़िहअ बी काम करे, तेथ दैणीं बिधाता तम्हां लै बर्गत।

“बिधाता दैणीं तम्हां लै थारै बपार अर खेचै बर्गत।

“बिधाता दैणीं तम्हां लै एही बर्गत कि थारी हणीं खास्सी लुआद, खेचै हणीं खास्सी पज़ैआ अर थारै हणीं खास्सी डागै-चैणें हेल़्ही।

“ज़ै तम्हैं आपणैं बिधातो हर हुकम मने अर ज़िहअ सह बोले तम्हैं तिहअ ई करे, तै रहणैं तम्हैं सदा तेऊए पबित्र परज़ा, ज़िहअ बिधाता आप्पै आसा बोलअ द।

“तम्हां लै हणीं एही बर्गत कि थारै फल़े च़ठै अर पिठै मुछ़णे कनाल़ी रहणीं सदा भरी।

“ज़हा देशा तम्हां लै दैणें करार बिधाता थारै दादा-बाबा संघै आसा किई दी, तेऊ देशै दैणीं बिधाता तम्हां लै खास्सी बर्गत अर थारै हणैं खास्सै शोहरू-शोहरी, खास्सै डागै-चैणैं अर थारै खेचै हणीं खास्सी साल-फसल।

तेखअ लागणअ धरती दी सोभी देशे लोगा का थोघ कि तम्हैं आसा बिधाते खास अर तिन्‍नां रहणीं थारी डअर।

“पर तम्हैं डाहै सिधअ इहअ खैल कि बिधाते इना बधाना अर बिधी मनणा लै निं भूल-च़ूक करी ज़ेता हुंह तम्हां का आझ़ खोज़ा अर नां होरी देअआ पूज़दै लागी।

“इज़राईलीओ, पर ज़ै तम्हैं बिधातो हुकम नांईं मने अर तेऊए सोभी बधान अर बिधी नांईं मने ज़ेता हुंह तम्हां का आझ़ खोज़ा, तै पल़णै तम्हां लै इहै फिटक