ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

म्हारअ परमेशर बिधाता रहणअ आप्पै हाम्हां आजू-आजू अर हाम्हां बाखा करनअ तेऊ आप्पै तिहअ ई जुध ज़िहअ तेऊ मिसर देशै तम्हां नदरी किअ। तम्हां का इहअ बी आसा थोघ कि शुन्‍नैं रेगीस्ताना बाती पजैल़ै बिधाता हाम्हैं इधी राज्ज़ी-राम्बल़ै, ज़िहअ कि बाब आपणैं होछ़ै लान्हैं आपणीं कान्हा आणा च़की।

बिधाता आसा हाम्हां लै एही ज़बान दैनी दी कि तेऊ दैणीं हाम्हां लै हज़ार गुणा बर्गत अर मेरी आसा म्हारै दादा-बाबे कुल़ज बिधाता का एही अरज़ कि इहअ ई लोल़ी त हुअ बी।

मोसा बोलअ इहअ, “इज़राईलीओ, ज़धू हाम्हैं होरेब धारा गोधै थिऐ डेरै पाऐ दै, तधू बोलअ म्हारै परमेशर बिधाता हाम्हां लै इहअ, ‘तम्हां गऐ ऐहा धारा नेल़ रहंदी खास्सै धैल़ै हई।

“‘मुंह दैणअ अह सारअ देश तम्हां लै ज़ेता दैणें करार मंऐं बिधाता आप्पै थारै दाद-बाब आबराम, इसहाक अर याकबा का आसा किई दी। ऐबै डेओआ, संघा गिम्मा तेऊ सारै देशे ज़ैगा आप्पू लै।’

ज़ेभै तम्हैं पांच़ी करे, तेभै निं कोही संघै भेदभाब करी, च़ाऐ थारी दालता दी गरीब मणछ एछे या सेठ, परमेशरा हेरनी तम्हां लै नसाफ करना लै मज़त करी। ज़ै कुंण मकदमअ खास्सअ कठण होए, तेता आणै तम्हैं मुंह सेटा लै, तिन्‍नें गल्‍ला शूणूं हुंह आप्पै।’