ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

na Nyankopɔn ahenman no nnyɛ edzidzi nye ɔnom, na mbom ɔyɛ tsenenee, asomdwee, nye Sunsum Krɔnkrɔn mu enyigye. Na nyia ɔsom Kraest wɔ iyinom mu no, ɔsɔ Nyankopɔn enyi na nyimpa pen no.

Na sɛ yɛtse ase a, yɛtse ma Ewuradze, na sɛ yewu a, yewu ma Ewuradze: dɛm ntsi yɛtse ase o, yewu o, yɛyɛ Ewuradze dze.

Ntsi hom mma yentsiw dza ɔyɛ asomdwee, nye dza ɔbɛma yeetu mpon nkorkor.

Dɛm a nna hom mma yenngyaa dɛ yebubu hɛnho atsɛn nkorkor, na mbom yemmbu iyi ho atsɛn, dɛ obiara nnkɛfa fintsidua anaa akwansiwdze bi ato no nua no kwan mu.

Osiandɛ wɔakyerɛw no dɛ, Ewuradze se, metse ase yi, emi na anankoroma nyina bɔkotow me, Na tɛkyerɛma nyina bɛka dɛ emi nye Nyankopɔn. Ntsi hɛn nyina bobu hɛnankasa hɛnho akontaa nkorkor akyerɛ Nyankopɔn.

Nyia ne gyedzi yɛ mberɛw no hom ngye no, na mbom nnyɛ dɛ hom nye no beyiyi nsɛm ano wɔ mbrɛ n’adwen yɛ no no ho.

Woana nye ɔwo a ibu obi no nkowaa atsɛn? Hɔnankasa hɔn wura na wogyina anaa wɔhwe ase ma no. Na wobegyina so, osiandɛ Ewuradze botum ama woegyina.