ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Hei o Sion manyawa, ni morene! Hei Yerusalem manyawa, nimä ulili! Niwï lega! Nia koano woboa deʼ ai utumu! Unanga o adili makoano woö ao-ao o halamati. Mä iwiomanga o hininga ma dipokouku Unanga woboa wobarene o keledai, o dutu moi o keledai ma gö.

Ma Jou wotemo, ”Hagala o kereta ihi poparangi o Efraimino aha Ta umo, mata-mata o kuda o Yerusalemoka aha Ta hohihanga deʼ hagala o toimi aha Ta wede-wederuku. Nia koano aha wohi ngahu o dame o hoana deʼ o berera ma ago-agomo manga hidogoronaka. O ngötoka deʼ o ngötika Unanga aha wakuaha, o Efrat ma Ngairoka deʼ yaino hiädono o dunia mabahaika.”

Nako o wange gënanga iboa, ma Jou aha wa hihalamati Ai umati, hokä o gogoana wohi halamati ai duba o bahayaino. Onanga aha yoletongo ma Jou Ai tonakoka, hokä o makkota o gurasi o haaka maloleletongo.