ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Onanga yotemo bari önanga iwi nako ma Jou Madutu, enahioko toönanga manga manarama iwi hipongono. Onanga kahä emono, deʼ onanga yoluku yotomoteke; önanga ganga o nyawa ya aku-akunua yodiai okianaga moi maoa-oa.

Hagala moi-moi ganga itebini o nyawa yotebi-tebinika. Mä hagala o nyawa manga dibanga ipese-pesekika deʼ manga ngongaku koiwa-iwa okianaga moiö de koiwa naga itebini, hababu toönanga manga dibanga de manga hininga mädobote itebi-tebini ipesekoka!

Unanga kokiani wasosö ikëkete o dodötoko yakunu yangö ngaku-ngakuika, hokä iwï dotokoka unangika. De hoko gënanga ünanga wakunu wänasihati o nyawa imahi hol̄e o dodötoko madiai de wohimatoko hagala o nyawa iwi lawa-lawani manga howono.

O jemaat yotötailako ganga o nyawa ihidö dailako ma Jou Madutu ai manarama, ünanga yakunua de ai howono. Unanga yakunua woma hil̄e ekola wotoba ngamo, ekola wotoba daluku, ekola wöigo imaka ngamo, ekola yokal̄il̄u o tiwi. Unanga kokiani wosanangi wätarima o nyawa ai tauoka, wöigo o hali maoa-oa, yakunu watumungu ai diri, wolälalimua, wotebini, o atoranga wanäko.

O jemaat matutuda womatëngo kokiani womatëngo koiwa ai howono; ünanga kokiani ngoi hekata duga-duga momatëngo; ai ngoha-ngohaka kokiani iwi ngakuoka o Kristusika deʼ koigoungua yahi öriki hokä o ngoha-ngohaka yo ora-ora deʼ yakunua yätatoro.