ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Uha niodomoteke o dunia nënanga matotukuna. Nihigumal̄a ma Jou Madutu wadiai niadiri imatëngo-tëngo idadi mahungi, hupaya ngini ningali hara moioli. De hokogënanga ngini niakunu nihiöriki ma Jou Madutu aimau – enagënanga okianaga maoa-oa deʼ yasosanangi Ai hininga deʼ i tötotomo.

O Roriadodoto! Ma Jou Madutu duru yaoa ngoneino. Mahababu gënanga ngohi togahoko de magiria hupaya nihihuba niadiri hokä o huba mangango niodingaka mangale ma Jou Madutu deʼ aihininga yasanangi. Niapupuji ma Jou Madutuika kokiani hokogënanga.

Kokiani Riadodoto nomahi nganono ma Jouika de animörene, nosabari o huha magoronaka, deʼ nakaigoungu nomä niata.

Uha nohi gumal̄a anidiri yalawani yakunua o dorou, mä Riadodoto kokiani ani oa-oa yalawani yahohihanga o dorou.

Kokiani o Roriadodoto moi de moi nimakodora de nirimoi hokä o nyawa o roriadodoto o tau moi, de ngini nihohihira nimateke horomati.

Niadora de niahininga itebini. Niodohata itotorou, deʼ nia sö maoa-oaika.

Ngonaino, hokokia yakunu nohidailako la nowango de o dame o nyawaika mata-mata.

Ahi Roriadodoto! Uha hakali-kali nabalahi o dorou nodiai, mal̄aikala ma Jou Madutu wähukumu. Hababu Ma Jou Ai Demo ma Buku magoronaka yatulihi, ”Ngohi taböbala-balahi. Ngohi aha tähukumu, ma Jou wato.”

Nikarajanga de niamagawe. Uha ini tebeturu. Nikarajanga mangale ma Jou de o roriwo ma Jou Madutu ai Womahino.

Ma Jou Madutu wohidöakoka o ngongike ngohino. Mahababu gënanga ngohi tinihi döaka o hohidumutu o Roriadodotika mata-mata: Uha niamäo niadiri iholoi ikurutil̄e de okianaga madiai. Kokiani ngini niaetongo niadiri de niahininga maböboluluku; moi-moi waetongo aidiri imoteke o dagakunu ma Jou Madutu wohidöa-döaka unangika, mangale karana una wïngaku o Yesusika.

Nako o nyawa inïdiai o dorou ngonaika, uha nabalahi de o dorou. Nodiai okia o nyawa mata-mata yamäo yaoa.

Niwango nimahi teke dodiai moi de moi. Uha nimadiai niahininga ikurutil̄e, mä nihitero-tero niadiri de o nyawa itotipokouku manga gogere. Imoteke madiai uha nimapulono i holoi nisawaro.

Iidulu yaino, nako anihaturü iwi hahini, nihidöaka ünanga wol̄omo; deʼ nako ünanga aikiriti madudungu, nihidöaka ünanga wokere. Karana de nodiai hoko gënanga, Riadodoto aha nadiai ünanga iwimal̄eke.

Nogahoko ma Jou Madutuika hupaya Unanga wahibarakati o nyawa yoigo-igo inianiaya ngonaika. Ia, nogahoko ma Jou Madutuika wahibarakati önanga, uha nahilai. Nahimoteke nomörene de o nyawa yomore-morene, deʼ noari de önanga yoari-ari.

Näriwo nahi wedono okia naga yopöparalu o Haranioka mahomoa deʼ nä ahokino anitauino de anihininga isosanangi o Roriadodoto nimateke ngongaku moi nä näko-näkoua.

Nanga röehe mahidoku mangöe. Moi-moi mahidoku naga de toëna mamanarama i tinga-tingaka. Hokogenangoli dede ngone. Ngarokö ngone nanga ngöe, mä ngone hodadi marupa o röehe moi, karana ngone horimoi de o Kristus. Deʼ ngone moi-moi homa kodöhanga moioka de mahomoaika hokä o röehe moi de mahidoku-mahidoku.