ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Nia ao nia huhuba o ratuhu moi iregu ngimoi hupaya naga o inomo deʼ ma boloioka dokengoka, Nihi uji Ngohi, done ngini aha nihi make Ngohi tahelenga o horoga mangora-ngorana deʼ maboboloi ngini deʼ hagala maoa-oa.

Ngohi aha tamal̄aikaua o kahoho yabinaha nia tonaka ma hasili; hagala ma utu nia angguru aha iwöe mahohoko. Done ngini aha ini hetongo niutumu mangale o hoana deʼ o berera mata-mata, hababu nia berera idadi o ngï maoa-oa mangale niö gogere.”

Ma Jou Duru woko Kuaha wotemo, ”Onanga aha yodadi Ahi umati. Mawange Ngohi todiai, önanga aha yodadi to Ngohi ma dutu Ta haya-hayanga. Ngohi aha ta dora önanga, hokä woma tengo o ama wä dora o ngohaka imahi gogilaongo Unangika. Ahi umati aha ya makeoli imakohowono manga wowango o nyawa maoa de o nyawa madorou manga hidogoronaka, o nyawa yo puji-puji Ngohiino deʼ kowali manga hidogoronaka.”

Wo haluhu ma Jou Duru woko Kuaha, ”Ngohi aha tihi dingoto Ahi huhüloko mangale wohidiai o ngekomo mangale Ngohi. Done deʼ itodokanino Ngohi, o Jou ngini nihilö lingi-lingiri, aha Toboa Ahi Tauika. Ahi huhuloko ngini niwi hohininga gënanga aha woboa deʼ wohi ngahu Ahi jaji.”