ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ma Jou Madutu tilö leleani gënanga aha wä umo Ai umati, karana önanga yoluku iwi higihene Unanga. Onanga aha yo dadagi o hoana deo berera manga hidogoronaka.

Hei Israel manyawa, uha nihiamo-amokoli nia wange ma ago-agomo hokaʼ o hoana deo berera ma homoa. Ngini niwi mala ka nia Jou Madutu deʼ ni satiaua Unangika. O gandum yo hido-hidoroka yö getongo, ngini nia hukunu nia diri hokä o manga roehe ya huku-hukunu o Baal ma gikirika, deʼ ni sanangi nia tarima o gandum kiaka ngini nia pulono hokä hewa o gikiri gënanga ini hewa ngini ika!

I ma hiadonoka o hukumanga maöraha, o oraha mangale ya tarima hagala mabalahi toönanga manga manarama ma balahi. O Israeloka aha ya mao! Ngini ni temo, ”O nabi iwi kokuaha o womaha nënanga wo fuma! Unanga iwi togohanga!” Ngini ni temo hoko gënanga karana ngini duru nihï dohata ngohino deʼ nia baradoha duru i amoko wöe.