ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Mä ngini aha niamäke o kuaha, nako ma Jou Madutu ai Womaha iböaka nginika. Deʼ ngini aha nidadi o hakihi-hakihi mangale Ngohi o Yerusalemoka, o Yudea ingodumu, o Samariaka, deʼ hiädono o dunia mabatingika.”

O Yesus wohaluhu, ”Ahi Ama mahirete wohitatapu mawange deʼ maöraha. Borotaua gënanga ngini nihiöriki, hababu gënanga o Ama aihaku.

Deʼ maöraha Unanga imatoomu dede önanga, Unanga wohidöaka o pareta nënanga onangika, ”Uha niamal̄a o Yerusalem. Niodamä genangoka hiädono o Ama wohidöaka okia wohijo jäjajioka, enagënanga kahuruono Ngohi tinihingahuoka nginika. Hababu o Yohanis wo ohiki de o akere, mä o wange muruono nagahi ngini aha iniohiki de ma Jou Madutu ai Womaha.”

Wowango ipahaino, o wange moruata madekana Unanga mamoi-mamoi womahimatoko de madodagi i iunua Ai rasul-rasulika gënanga Unanga igou-goungu wowango. Onanga iwimäke Unanga, deʼ Unanga watemo dede önanga yadäene sarakia ma Jou Madutu wopareta hokä o Koano.

O Yesus wotemo iböto hokogënanga, Unanga iwigöraka o horogail̄e önanga manga lako mahimangoka, deʼ o lobi iwitamunu Unanga önanga manga lolegaka.

Onanga kaima lega-legahi o dihangil̄e, maöraha o Yesus iwigöraka itodokanino o nyawa yahinoto manga pakeanga magare-garehe imaokoino toönanga manga datekoka. ”Hei, Galilea manyawa,” o nyawa yahinoto gënanga yätemo, ”yadodoa ngini nima okoil̄edika genangoka nio lega-lega o dihangil̄e? O Yesus ngini niwimäke iwigöraka o horogail̄e gënanga ngini nia himangoka, aha woböaoli de kahoko gënangoli hokä ngini niamäke kangano.”