ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

I idulu yaino o hali gënanga nagala hokä itulihoka Ma Jou Ai Demo ma Buku magoronaka, ”Okia komaiwahi yamäke ekola yoihene o nyawa, de komaiwahiö ipuda o nyawa manga hininga magoronaka, genangala wasadia ma Jou Madutu mangale o nyawa iwihohininga.”

O nyawa onangoka koiwa ma Jou Madutu ai Womaha, yakunua yatarima okia ihimatoko o Womaha gënanga. Hababu o nyawaka gënanga o hali-o hali iheto-hetongo hokä bodo moi dika. O nyawa gënanga yakunua imangarati, hababu o hali-o hali gënanga duga-duga yakunu yatakihiri hokä o rohani maparakara.

Mä ma Jou Madutu wohimatokoka ngoneino de madodohanga ai Womaha. Ma Jou Madutu ai Womaha gënanga yatailako hagala moi-moi, hiädono ma Jou Madutu aidatorika ngaro duruhe iö iu-iunu.

Deʼ ngone inahi döakua o dunia nënanga mawomaha, ma o Womaha ma Jou Madutuino, hupaya ngone hohi öriki mata-mata ma Jou Madutu wonahi döakoka ngoneino.

O abari ngohi tohi ado-adono nginika ngohi tohi adonua de o demo-demo nia hininga yadäe-däene imoteke o nyawa mabarija. Ngohi tohi ädono gënanga de madodagi ihi nyata i goungu ma Jou Madutu ai Womaha ikuaha. Ngohi todiai hoko gënanga, hupaya nia ngongaku o Kristusika nihi hol̄eua o nyawa mabarija, mä nihi hol̄e de ma Jou Madutu ai kuaha.