ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Nanti Sa bikin ko pu anana cucu banyak sampe dong jadi bangsa yang besar. Sa nanti kas berkat ko. Nanti Sa bikin sampe smua orang tau ko pu nama, sampe ko nanti jadi berkat untuk orang lain. Nanti Sa kas berkat orang-orang yang kas berkat ko. Trus kalo ada sapa saja yang kutuk ko, nanti Sa kutuk dia. Lewat ko, nanti Sa kas berkat smua kluarga di dunia ini.”

Begini TUHAN bicara ke Abram, “Abram, kluar kas tinggal ko pu tana deng ko pu kluarga besar, kluar dari ko pu bapa pu ruma! Ko pigi ke tana yang nanti Sa kas tunjuk ke ko.

Jadi suda, Abram de pigi, de bikin sperti yang TUHAN bilang ke dia. Lot juga ada ikut sama-sama deng Abram waktu itu. Abram de pu umur su masuk 75 taun waktu de pigi dari kota Haran.

Waktu itu, TUHAN datang kas tunjuk De pu diri sama Abram, baru bilang, “Nanti Sa kasi tana ini sama ko pu anana cucu.” Jadi, Abram de susun batu trus bikin tempat bakar korban satu untuk TUHAN yang su kas tunjuk De pu diri sama Abram dia.