ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ne cute ampo to me cumã hahkre partu, ne cute ihcakôc to ihhi, ne Ximãw mã: ― Ca ha côhtu wỳr me akwỳ me, me to pàr kre cakrỳ ne cô kam me gõ kryhti mẽ, ate me to tep nõ pro xà caxuw ― hajỹr.

Mã Ximãw cumã: ― Pahhi, ita kam, caxwa ita kam, ite me ijàpêan to me apẽ, ne nee ite me to tep ita nõ ihpro nare. Wa ha pijamã amcroa kam me to tep ita nõ mẽ? Wỳr wa ha me ihnõ mẽ! Cakrô ca ha caa me ikujate, wa ha itỳj me mõ, ne mũhũràn me ijõ kryhti mẽ ― hane. Ne cute harkwa kôt me ampo na mẽn xà atajê ton to hajỹr, ne me to tep jàhtôa na kryhti to me ipixêr, ne me to pro. Mã ampeaj kam hũtĩ, ne ajmãr cute ame cupê hõ kryhti cokjêr.

Pê Jeju ma ajco põ mã hapôj, me hamreare ata wỳr, ne ahte ajco Hũm Cati mã ihcakôc.

Na wa ite mehkrã kên catêjê to impej prãam to wa ajpên mõ, mãr quê mehkên pê amji to me antuw, ne mempej. Wa nee mempej catêjê to impej to icator nare ― hane.

Mã Ximãw te ita pupun, ne Jeju cuna mã ihkõn krã na hỹr, ne cumã: ― Me ijõ Pahhi, imã acupa hyre nare. Ampo na? Acatia to acati ne akĩnte icrire, ne ikêanre ― hajỹr.

Mã Jeju Parixêw catêjê kwỳ mã: ― Ỹhỹ, me ikampa! Me capẽn catêjê me, mempej catêjê, nee mehcahhê catê na prãm nare. Ne me hà catêjê ri quêt ihtỳj mehcahhê catê na mehprãm. Na ri ita pê hũràc ne ipê mehcahhê catê pyràac.

Ne ma pàr kre atajê to me hàpir amcrà wỳr, ne ampo cunea to me tojnõ, ne ma Jeju kôt me pra.

Mã ma Jeju krĩ nõ wỳr mõ, ne curia apu ipa. Mã curi me hũmre kà xêtti nõ ita ihkrĩ. Ne cute Jeju pupun, ne pjê kam ihpỳm, ne cute pjê na ihkuc xir ne amji na cumã awjahkre, ne cumã: ― Pahhi, ca ha icaprãr prãm, ne atỳj icaprã ― hajỹr. Mã Jeju te hũhkra curor ne ahna hir ne cumã: ― Ỹhỹ, imã acaprãr prãm, cwỳrjapê wa ite ramã acaprãr ― hajỹr. Mã hamre, ihkà xêt ita hũmre ita pê cator pyrentu.

Pê pjê ata cunea kôt Jeju te Hũm carôt kôt hàpên xà pihho ton xà jarẽn apu ihcahkũm. Pê me hàhtôa ne mehkrĩ atajê ajco Jeju wỳr me pra, cute mempar prãmte. Ne hanea ne me hà hỹrmã me pra, cute me caprãr prãmte.