ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Wa hey kaɗe po waaɗi ɓo' laayiɗ waaɗ morom ciŋ ɓa haawsuk sagu eɗaaɗi waas cir ; waaye ɓoyi na hee ndengɗuke muñ po ŋ reehɗohaana, hey mucɗasse.

Yegɗohiŋ Muci, wiŋ Nguuriŋ-Ɗafki, hey yegɗohse ŋ adinaani jen, wa nik seede ŋ cuuɓ ci jen, ƴut ɗah, reehiŋ Adina han hay.

Ɗu hey kerhoote ɓi hiñoh yakak, ɗu hey name kerah yegɗoh ci na woye ŋ hiñoh. Waaye, wortukaat neƴƴoh ; in ceem joy joy raak, waaye wa nikanɗi ne Adina na reehe.

Cum ɗah, kur hey hiñohe na kur morom wa, buur hey hiñohe na buur morom ce, aɗ raak ŋ ɓi ɗisik, kehƴi namee yoondɗuk ŋ ɓi ɗisik, wa nikohan ɗaa. Ceem jen ca nikan cambiŋ miskiɗ ci, findi ɓitɓi na hee ɓasle.

Eel ci na kehƴi hey coote waaye woo ciŋ ngo moosanɗi kurkoh nga.

Laam ɓo' laayiɗ hey haye ɓa kooɗ tiikiŋ ngo, ɓa woyee ne ɓeɗ Mucɗohi Gapohse te ɓa hey muuƴɗe ɓo' laayiɗ.

Ɗu hey ɓayse ne ɗu mbugalu, ɗu hey apse, cuuɓ ci jen hey ɗu sange saguuso. Laayiɗ nga ɗu hey keene ; ɓum hey wore ɓum, ɓa hey sangtiɗohe. Ɓo' laayiɗ hey haye ɓa tum haf ɓa woosuuɗ te ɓa woosuuɗ haa, ɓa hey muuƴɗe ɓo' laayiɗ.

Yeesu loffa ɓa ne : « Wortukaat, ali ɓo' kinaat ɗu muuƴiɗ.

Weɗ tah po, ɗu, namaat kooɗuk, laam Kuɓkiŋ ɓoyi hayan ŋ jamanooni ɗu liiɓɗi. »

Kon, kinaat neeh, ɗu inahɗi mbehi Heɗ ɗu hayohan.

Ini kaɗ ŋ mbehi na wahtuuni in ceem na hee raakohe, ali ɓo' inahɗi ca. E malaakaaciŋ Eel ci haa [te a Kuɓki haa] ; waaye a Baabi dong inaha.

Laam ɓi ɓo' hey haye, ɓa tum haf ɓa Mucɗohi Gapohse wala woosuuɗ te ɓa yino nga ca haa, ɓa haɓɗee firnde yakak na keemaan ne ɓa muuƴiɗ ɓooɓi po ɓi Kooh tan sah ne wa mineen nik ɗah.

Kuɓkiŋ ɓoyi hay ɗah, wa mandan findi wa mandee ŋ jamanoonaŋ Noohin. Waam, bala masma laayɗa riifee kehƴi hayan ɗah, ɓooɓa nikee ñameeɗa, aneeɗa, ɓa kilookeeɗa, ɓa kilookseeɗa po mbeha Noohin aasoh ŋ gaala. Ɓa inheeɗi in nga po wa masma hay, wa ɗummba ɓa jen. Kuɓkiŋ ɓoyi hay ɗah, wa mandan ɗaa.