ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Jumatix askïki uk lurasmaxa, jach'ar aptatäsmawa; ukampisa juman jan aski luratamatxa, juchax jumar apnaqañatakix jak'amankaskiwa, ukampis jumax atipjañamawa” sasa.

Set chachasti mä wawanirakïnwa, jupasti Enós satänwa. Uka urunakatpach jaqinakax Tatitun sutip art'asis yupaychañ qalltapxäna.

Ukat Tatitux Caín chacharux jiskt'äna: —¿Kawkinkis Abel jilamaxa? —sasa. Cainasti sarakïnwa: —Janiw yatktti. ¿Nayax jilaxan uñjiripätti? —sasa.

Tatitusti sarakïnwa: —¿Kunatsa jilamar jiwayta? Jilaman wilap wartkta ukax kunatix chiqapäki uk nayan uñjañaxatakiw art'asinitu.

Ukampis Tatitux jupar sarakïnwa: —Khititix jumar jiwaykätam ukax paqallqu kuti mutuyatäniwa —sasa. Ukatsti Tatitux mä chimpu Caín chacharux uchäna, ukhamat khitis jupar jikxatasin jan jiwayañapataki.