ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ТӀалаба – квез гуда; къекъуьгъ – квез жагъида, рак гатут – квез ахъайда.

Гьар ни тӀалабайтӀа, гьада къачуда, вуж къекъвейтӀа, гьадаз жагъида, ни рак гатайтӀа, гьадаз рак ахъайда.

Зи Гафариз яб гуз, абур кьилиз акъудзавайди, акьул авай, кӀвал эцигдайла, кӀвалин бине къванцел эцигай инсандиз ухшар я.

Гьа икӀ, инсанри куьн патал вуч авуна кӀанзаватӀа, куьнени гьабуруз гьахьтин крар ая. Къанундини пайгъамбарри гьа икӀ лугьузва.

ГуьтӀуь варарини четин рекьи уьмуьрдихъ тухуда, а рехъ тӀимилбуруз жагъида.

Фидайла гуьтӀуь варарай алад, гьяркьуь варарини гегьенш рекьи жегьеннемдиз тухуда. Гзафбур гьахьтин рекьяй физва.

Куьн хьтин писбуру чпин аялриз хъсан савкьватар гуз хьайила, цавараллай Бубадивайни Вичивай тӀалабайдаз хъсан савкьватар гуз жедачни мегер?

Куьне масадан дуван аквамир, Аллагьди куь дуванни аквадач. Куьне гьихьтин дуван ийизватӀа, Аллагьди куь дуванни гьакӀ ийида. Куьне гьихьтин уьлчмедалди алцумайтӀа, квезни гьахьтин уьлчмедалди алцумда.

Амма зи гафариз яб гуз, абур кьилиз акъуд тийизвайди кӀвал хандакӀ авачиз, къумадал эцигнавай ахмакьдиз ухшар я.

Жуван виле авай чукьван такваз, вучиз ваз ви стхадин виле авай кьал аквада? Я тахьайтӀа, вавай, жуван виле авай чукьван такваз, ви стхадиз, къала за ви виле авай кьал акъудда лугьуз жедани?

Куь патав хипер хьиз къвезвай тапан пайгъамбаррикай мукъаят хьухь, къеняй абур вагьши жанавурар я. Квез абур майвайрилай чир жеда. Мегер къвакъвадин вала ципицӀ гъидани? Къалгъандилай инжил атӀуз женни?

Хъсан тарци хъсан майваяр гъида, чӀуру тарци – чӀуру майваяр.

Хъсан тарцивай чӀуру майваяр гъиз жедач, пис тарцивайни – хъсан майваяр.

Хъсан майваяр тегъизвай гьар гьи тар хьайитӀани атӀана цӀуз гадарда.