ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Apan gilukat kita ni Cristo gikan sa tunglo sa Balaod pinaagi sa paghimo sa iyang kaugalingon nga tinunglo tungod kanato kay sumala sa giingon sa kasulatan, “Tinunglo sa Dios si bisan kinsa nga bitayon sa kahoy.”

Busa wala nay kalainan sa mga Judio ug sa mga dili Judio, sa mga ulipon ug sa mga gawasnon, sa mga lalaki ug sa mga babaye kay nahiusa na man kamong tanan kang Cristo Jesus.

Kon kamo iya na ni Cristo, mga kaliwat kamo ni Abraham ug madawat ninyo ang gisaad sa Dios.

Gihimo kini ni Cristo aron ang panalangin nga gisaad sa Dios ngadto kang Abraham ikahatag ngadto sa mga dili Judio pinaagi kang Cristo Jesus aron madawat nato ang gisaad sa Espiritu sa Dios pinaagi sa pagtuo.

Busa klaro kaayo nga walay tawo nga isipon sa Dios nga matarong pinaagi sa Balaod kay ang kasulatan nag-ingon man, “Ang giisip sa Dios nga matarong mabuhi pinaagi sa pagtuo.”