ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Болв седкләрн Христост сөгдтн, Деед Эзн гиҗ Терүг күндлтн. Тана нәәлврин тускар сурҗасн кен чигн күүнд кезәчн хәрү өгхд белн болтн. Зуг номһн кевәрн болн тевчңгүһәр энүг кетн. Тана зүркн бийитн гемшәгддгоһар тиигҗ кетн. Яһад гихлә, Христосла ниилҗ бәәсн цаһан саната тана җирһлин тускар му келсн әмтн худл келсн төләдән ичр үзх.

Деед Эзн үнн чик седклтә улсиг хәләнә, теднә зальврсиг соңсна, зуг му кедг әмтнлә сөрүцнә».

Тана йосн сәәхнь гүрсн үснәс, алтнас болн хувцнас һарчах һазак сәәхнь биш болтха. Зуг тана седклин төвкнүн заңгас һарчах мөңк сәәхнь йосн сәәхнь болтха. Эн сәәхнь Бурхнд ик үнтә.

Бурхна Бичгт иигҗ бичәтә: «Җирһлд дурта күн, сән цаг үзхәр бәәх күн эврәннь келән татҗ, худл келдгән уурх зөвтә. Тиим күн хар саната йовдлмудан үлдәһәд, сән йовдлмуд күцәһәд, әрүн седкләрн эвәр бәәхәр шунтха.

Аш сүүлднь, цуһар нег ухаһар бәәтн, нег-негндән сана зовтн, нег-негндән ахнр-дүүнр мет дурта болтн, цаһан седклтә болн номһн заңгта болтн. Таднд му кесн күүнд му бичә кетн, таниг му келсн күүг бичә му келтн. Зуг тедниг йөрәтн. Яһад гихлә, Бурхн таниг әмтиг йөрәхин төлә дуудв. Таднд әдс өгнәв гиҗ Бурхн үг өгв.

Таниг сә кехәр седәд бәәхлә, кен таднд му кехмб?

Тиим күн хар саната йовдлмудан үлдәһәд, сән йовдлмуд күцәһәд, әрүн седкләрн эвәр бәәхәр шунтха.

Кемр эн Бурхна таал болхла, му кеснәс көлтә зовхин ормд сә кеснәс көлтә зовснь деер.