ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“Huno, ami Ehuda ḳandanor Huror nati, Urir fua Batselolre fosond ḳorsi. Ami tare Allai ruhu dia kamil ḳorsi. Hoḳol laḳan ḳarigori kamor aḳol-buddi, biddae ustadi kamor ḳemota disi. Erlagi he shuna, rufa, fitolor ufre shundor shundor noksha banaito farbo. Dami dami fattor ḳaṭia moni-mukta lagani, laḳṛir ufre nokshar ḳam ar hoḳol zator ator ḳam ḳorto farbo.

“Tumi nize Boni Israilre ḳo, tumra amar deoa forteḳ Zummabar manio. I Zummabar oarishor for oarish dori tumra ar amar maze eḳ nishana oibo, zate tumra buzbae, ami-u Mabud, ar ami tumrare amar fobitro bonda oar lagi alada ḳorsi.

I Zummabar to Boni Israil ar amar maze hameshakur lagi siroḳalin eḳ nishana. Ḳaron soydine Mabude asman-zomin hoḳolta foyda ḳorla, oile shat nombor din kunu ḳam na ḳoria ziraila.”