ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

*Mé éxi ndáchro xroon itén Díos tsíkjin sin ósé: Ti nkehe na̱xa̱ kꞌuíkonhña chojni la ko na̱xa̱ kienhña chojni, la ko na̱xa̱ kjuénka̱yáxinhña chojni mé ti nkehe kjuíchꞌéna Díos tsꞌáyéhe̱ kaín ti sin tjue̱he ti jehe chꞌan.

Ti nkexro chóntahya Ncha̱kuén Díos la tjinkakonhña sin tsitekaon sin ti nkehe tjako ti Ncha̱kuén Díos kixin tíha la ijnko nkehe kjualo̱nti̱, ichro sin. Méxra̱ tienxínhña sin kixin chóntahya sin Ncha̱kuén Díos.

Kjánchó tíha la Díos mé nchenohe ti jeheni kixin chóntani ti Ncha̱kuén chꞌan. Mé ti Ncha̱kuén Díos la nohe kaín nkehe la ko kja̱xin nohe nkexrín tjenka̱yáxin Díos.

A̱ndá jeheni la jehya tjenka̱yáxini éxi chojni chjasintajni. Náhí. Jeheni la kꞌuáyéhe̱ni ti Ncha̱kuén Díos kui̱xi̱n nkaya nka̱jní, ndá xi̱kaha tso̱noheni kaín ti nkehe kjuíncheki̱to̱nhe̱n Díos ti jeheni kixin tjue̱he chꞌan ti jeheni.

A̱ndá ti ó nixjahára la kjuàkua ti itan kuènté Díos, la kjuachruexinhñara ti nkehe imá náxrjón nixja éxi ijnko chojni imá nohe. Náhí. Ti ó kjuákohára la kónohara kixin tjéki̱a̱n ti Ncha̱kuén Díos la ko ti kjuachaxin ijié kuènté chꞌan. Ndá xi̱kaha kuitekáonra kixin ti kjuachaxin kuènté Díos la jehya ti kjuaxrexinkaon kuènté chojni ó.