ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Doa Yesus omnana, honi Sesoana moamba mendekliva lohv, wo Moses novol vewol vena, Yimba Israelnind yeoa hillivm, Yawe pina Sesoava einv, wo himba mongongasal einv, wo yeoa nom Yawem undnahonam nengeuvmona vinu, ten pina Sesoa einvm. Wo yimba osva Sesoamba und vivrava, wo manam yimba sambla undva vewol vivra, owai, mongawundna vivm, wo manam yimba ambo seposam vivav, owai, pepthanam vivra. Wo mongova Sesoana moamba mendekliva os novol velohv, Yeoa indhanamoa os nesmos vewol vivm, os pev pevna nihm ten lelh vewol vivm. Honi Sesoana moasambla mendekliva eluhunv pim.

Wo Yesus nongle, hevtindim unna, hillu, yem ka ishuni, wo hev unna, yemba tanamolnam kava unv, hona dinindva senmba mindnam dembrapuv vei, heva os mindnamba mendah wulav, wo no peliva dihui, wo nomba ambo senmba samblava vilipipohowolei disumbrava, wo noinda he kuelwolv no dinindmba. Manara noinda himba osva nengeimoa, inneram kavm wulav, owai, ambo vilipipohowolei.

Wo Yesusva mendahva diva tempelmera lohvnamba, mura di disumbra avhoa, ambo nongalvna, sembayangnind sen aiemb vevnamba, di dembrapuv ve. Dinindva mindnam senmba mindnam dembrapuv vevna, mongo peli pronamba, dihui amana vevna, wo ambo aiv sambla senmba vilipipohowole olpeli.

Wo hemangas pimba ind vinivra, wo ningminivra indnahonam, wo eva vevra, indhanam pi nesmos vewol vivra, os pivm men pi lelh avramana vevm. Doa hona wevsava, memba yimba kamba ishuniva, kuvhoav, wo pina wevsava ambo tuvulinv, hona wevsava memba pimba tatamba innemba weisumbulol ololohvpa huiva tempellava.

Doa Yesus henga unna, hona senmba Sisa duang venamba, wo pimba taeksrava hevm Sisam henga dembraholvohv, wo manapenam, beswonam viv Sesoana novra. Doa Sisa duang pimba taeksm sehinvrava, dambroh vivra, wo doa Sesoa hev mana vemamba pimba sehinvrava, osva vinivav. Wo noinda nomba mundilva os luklukul avramana vena, pai, Yesusva doa pina wemba pelpikoheini.