ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

en wen imbin kabaditaim, Jisas bin jingat adbala garram im ron langgus, “Ilai, Ilai, lama sabaktani?” Detlot wed im tok, “Main God, main God, wotfo yubin libum mi?”

Wal seimtaim wen Jisas bin dai, det bigwan ketin insaid langa det seikridwan rum langa det Serramoni Pleis bin breik brom top raidap langa bodam, en ola graun bin sheik nomo lilbit, en ston bin breik ebriweya, en ola greibyad bin opinap, en bigmob dedbala pipul hubin bilib langa God bin gidap, en deibin gowei brom det greibyad laibala.

Afta na Jisas bin jingat adbala igin, en imbin dai.

Wal det boswan solja en ola najalot solja hubin wotjimbat Jisas, wen deibin filim det graun bin sheik, en deibin luk ebrijing wanim bin hepin, olabat hat bin jamp garram bigiswan frait, en deibin bradin detmatj, en deibin tok, “Trubala dijan im San blanga God!”

Afta na wen imbin dinataim, det san bin go dakbala, en det kantri bin jidan dakbala raidap aftanun kabaditaim

en wen Pailat bin tok, “Wujan prisana yumob wandim mi blanga larramgo fri?” Ola pipul bin jingat, “Barebas!” Wal Pailat bin tok, “Wanim ai garra dum langa Jisas weya dei gulum im Krais?” En ola pipul bin jingat, “Kilim im ded!” Wal Pailat bin tok, “Wanim rong ting imbin dum?” Bat nobodi bin ensim im. Deibin ol stat jinginatbat adbala, “Kilim im! Neilimap im langa kros en larram im dai deya!”