ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Afta na Jisas bin dalim im wekinmen olabat, “If enibodi wandi kaman langa mi, wal im kaan jinggabat im ronselp. Im garra jidan redi blanga bulurrum mi en dai blanga mi.

Trubala ai dalim yu, Pida. Yu jidan jis laiga rok, en ai garra bildimap main tjetj langa det rok na, en nomo enijing kaan binijimap main tjetj. Seitin kaan binijimap main pipul olabat. En nomeda olabat dai, bat stil dei kaan binij.

Wal ai garra gibit yu pawa blanga larram sambala pipul go langa Godwei en sambala pipul kaan go Godwei. Ebrijing yu tok langa dijan kantri God garra bekimap yu langa hebin.” Lagijat na Jisas bin tok langa Pida.

Wen enibodi jinggabat im ronselp blanga seibum im ron laif, wal wen im dai, im garra dai olagija. Bat wen enibodi lujim im laif blanga mi en blanga det gudnyus, wal nomeda im dai, bat stil God garra meigim im jidan laibala olagija.

Im nogud blanga enibodi if im hipimapbat detmatj enijing blanga imselp iya langa dijan kantri, en im lujim im laif, dumaji wen im lujim im laif, im kaan yusum detlot enijing blanga gedimbek im laif.

Wal Jisas bin askim olabat, “Wotabat yumob? Hu yumob reken mi?” Wal Saiman Pida bin tok, “Yu na det Boswan gulum Masaiya det San blanga det laibalawan God.”

Wal Jisas bin tok, “Yubin tok trubala wed, Saiman. En ai sabi yu san blanga det olmen neim Jon. Bat nomo eni men bin dalim yu det trubala wed. Main Dedi langa hebin bin dalim yu. En yu garra gudbinji, dumaji imbin dalim yu.