ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

نْوَصِّيكُمْ وْصِيَّة جْدِيدَة: حِبُّوا بْعَضْكُمْ. كِيفْ مَا آنَا حَبِّيتْكُمْ إِنْتُومَا زَادَا حِبُّوا بْعَضْكُمْ. إِذَا كَانْ عَنْدْكُمْ مْحَبَّة لِبْعَضْكُمْ، النَّاسْ الكُلْ بِشْ يَعْرْفُوا الِّي إِنْتُومَا تْلَامِذْتِي».

إِذَا كَانْ آنَا المُعَلِّمْ والسَيِّدْ غْسَلْتِلْكُمْ سَاقِيكُمْ، مَالَا إِنْتُومَا زَادَا يِلْزِمْكُمْ تَغْسْلُوا سَاقِينْ بْعَضْكُمْ. وهَانِي كُنْتِلْكُمْ مِثَالْ بَاشْ اتَّبْعُوهْ، وتَعْمْلُوا إِنْتُومَا زَادَا كِيمَا عْمَلْتِلْكُمْ.

جَاوْبُو يَسُوعْ: «إِنْتِ تَوَّا مَاكِشْ فَاهِمْ آشْ قَاعِدْ نَعْمِلْ، آمَا تَوْ تِفْهِمْ مْبَعِّدْ».

الحَقْ الحَقْ نْقُولِلْكُمْ: العَبْدْ مُشْ أَعْظِمْ مِنْ سِيدُو، ولَا المَرْسُولْ أَعْظِمْ مِلِّي بَعْثُو.

مَادَامْكُمْ عْرَفْتُوا هَاذَا، صَحَّة لِيكُمْ كَانْ اطَّبْقُوهْ.

وَلَّا قَامْ عَالعْشَاء، ونَحَّى بَرْنُوسُو، وخْذَا مَنْشْفَة واتْحَزِّمْ بِيهَا، وصَبْ مَاء فِي بَانُو، وبْدَا يَغْسِلْ فِي سَاقِينْ التْلَامْذَة ويْنَشِّفْ فِيهُمْ بِالمَنْشْفَة المِتْحَزِّمْ بِيهَا.