ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“E pati ē e 'ōronga'ia mai tā kōtou; e kimi ē e kitea ia i a kōtou; e tōpāpā atu, e 'akatu'era'ia mai te pā i a kōtou.

Nō te mea, ko te aronga katoa e pati ra, kua rauka ia; ē ko tei kimi ra, kua kitea ia; ē tei tōpāpā ra, e 'akatu'era'ia mai te pā i aia.

“Ko tēta'i 'ua atu tangata tei 'akarongo mai i tāku nei tuatua ē 'ākono i te reira, ka 'aka'āite'ia aia ki tēta'i tangata pakari ko tei 'akatū i tōna 'are ki runga a'o i te tokapapa.

“Ē te au mea katoa tā kōtou e 'inangaro i te tangata kia rave ki a kōtou ra, ka 'akapērā katoa atu kōtou ki a rātou. Ko tā te Ture ia, ē tā te au peroveta.”

Tē kōkota 'ua nei te ngūtupa ē te piri 'oki te mataara e tae atu ki te ora, ē e tokoiti 'ua tei kite i te reira.”

“E tomo kōtou nā te ngūtupa 'ōiti, nō te mea, tē ātea nei te ngūtupa ē tē pararauare nei te mataara e tae atu ei ki te mate ē 'e mānganui tei nā reira i te tomo.

Ē tē tika na i a kōtou, noa atu tō kōtou kino, kia 'ōronga i te au mea meitaki nā tā kōtou tamariki, ka tanga ai 'oki i tō kōtou Metua i te ao ra i te 'ōronga mai i te au mea meitaki ki te aronga i pati atu ki aia ra.

“Auraka e 'akavā atu, kia kore kōtou e 'akavā'ia mai, nō te mea, ka 'akavā'ia mai kōtou i te tū o tā kōtou e 'akavā atu; ē ko te 'āite tā kōtou e 'āite atu, ko tā kōtou rāi ia e 'aka'āite'ia mai.

“Ē tēta'i 'ua atu ko tei 'akarongo 'ua mai i tāku tuatua ē kāre i 'ākono i te reira, ka 'aka'āite'ia aia ki tēta'i tangata nēneva ko tei 'akatū i tōna 'are ki runga i te one.

'E a'a koe e 'ākara ai i te tānga iti i te mata o tō taeake ra, ē kāre koe i kite i te rākau ma'ata i roto i tō'ou 'ua'orāi mata? E 'akapē'ea koe e tuatua ai ki tō taeake, ‘'Ō mai, nāku e kiriti i te tānga iti mei roto mai i tō mata na’, ē inā, tei roto i tō'ou 'ua'orāi mata te rākau ma'ata?

“Kia matakite i te au peroveta pikika'a, ko tei 'aere mai ki a kōtou na ma te kāka'u māmoe ra, kāreka i roto ra, 'e au luko tā'ae rātou. Ka kite kōtou i a rātou i tō rātou au 'ua. E 'a'aki āinei te tangata i te au vine nō runga mai i te rākau taratara, mē kāre rā, i te au suke nō runga mai i te tātarāmoa?

Ē pērā katoa, ka 'ua mai te au pū rākau meitaki rava rāi i te au 'ua meitaki, ē te au pū rākau kino ra e 'ua mai i te au 'ua kino.

Kāre e rauka i te pū rākau meitaki kia 'ua mai i te 'ua kino, kāre katoa te pū rākau kino e 'ua mai i te 'ua meitaki.

Te au pū rākau katoa kāre e 'ua mai i te 'ua meitaki ra, e tīpū'ia ia ē ka tīria'ia ki roto i te a'i.