Sesha Imiphumela ye: mercy
KumaHeberu 4:16 (ZUL59)
Ngakho-ke masisondele ngesibindi esihlalweni somusa ukuba samukeliswe isihawu, sifumane umusa wokusiza ngesikhathi esifaneleyo.
EkaJakobe 2:13 (ZUL59)
Ngokuba ukwahlulelwa okungenasihawu kuyakumehlela ongenzi isihawu; isihawu sizigabisa ekwahlulelweni.
IsiLilo 3:22 (ZUL59)
ngumusa kaJehova ukuthi asiqediwe, ngokuba ububele bakhe abupheli.
IsiLilo 3:23 (ZUL59)
Busha ekuseni njalo; ukuthembeka kwakho kukhulu.
Kwabase-Efesu 2:4 (ZUL59)
Kepha uNkulunkulu ecebile ngesihawu, ngenxa yothando lwakhe olukhulu asithanda ngalo,
Kwabase-Efesu 2:5 (ZUL59)
sesifile ngeziphambeko, wenza siphile kanye noKristu – kungomusa nisindisiwe –
AmaHubo 51:1 (ZUL59)
Ngihawukele, Nkulunkulu, ngokomusa wakho; yesula iziphambeko zami ngokobubele bakho obukhulu.
Kwabase-Efesu 2:8 (ZUL59)
Ngokuba ngomusa nisindisiwe ngokukholwa; nalokhu akuveli kini, kuyisipho sikaNkulunkulu;
NgokukaLuka 6:36 (ZUL59)
Yibani nesihawu, njengokuba uYihlo enesihawu.
KuThithu 3:5 (ZUL59)
wasisindisa kungengamisebenzi yokulunga esayenzayo thina kepha ngokwesihawu sakhe ngesigezo sokuphindukuzalwa nokwenziwa sibe basha ngoMoya oNgcwele,
AmaHubo 51:2 (ZUL59)
Ngigezisise ebubini bami, ungihlanze esonweni sami.
IsiLilo 3:24 (ZUL59)
UJehova uyisabelo sami, usho umphefumulo wami; ngakho ngiyakwethemba kuye.
UMika 6:8 (ZUL59)
Ukutshelile, muntu, okuhle; uJehova ufunani kuwe, kungabi ngukwenza ukulunga kuphela nokuthanda umusa, uhambe noNkulunkulu wakho ngokuthobeka, na?
NgokukaLuka 6:35 (ZUL59)
Kepha thandani izitha zenu, nenze okuhle, nitsheleke, ningadikibali; nomvuzo wenu uyakuba mkhulu, nibe ngabantwana boPhezukonke, ngokuba umnene yena kwabangabongiyo nababi.
KwabaseRoma 9:15 (ZUL59)
Ngokuba kuMose uthi: “Ngizakumhawukela engimhawukelayo, ngimzwele engimzwelayo.”
KwabaseRoma 9:16 (ZUL59)
Ngakho-ke akuyi ngentando nangokuzikhathaza komuntu, kodwa kuya ngokuhawukela kukaNkulunkulu.
Kwabase-Efesu 2:6 (ZUL59)
wasivusa kanye naye, wasihlalisa kanye naye embusweni wezulu kuKristu Jesu,
1 kuThimothewu 1:16 (ZUL59)
kepha ngahawukelwa ngalokhu ukuze uJesu Kristu abonakalise kimi engingesikhulu konke ukubekezela kwakhe, ngibe yisibonelo kwabazakukholwa nguye, baze babe nokuphila okuphakade.
KumaHeberu 4:15 (ZUL59)
Ngokuba asinaye umPristi omkhulu ongenakuzwelana nobuthakathaka bethu, kepha olingiwe kukho konke njengathi, engenasono.
EkaJakobe 2:12 (ZUL59)
Khulumani kanjalo, nenze kanjalo njengokufanele abayakwahlulelwa ngomthetho wenkululeko.
1 kaPetru 1:3 (ZUL59)
Makabongwe uNkulunkulu uYise weNkosi yethu uJesu Kristu owabuye wasizala kabusha ngokwesihawu sakhe esikhulu ukuba sibe nethemba eliphilileyo ngokuvuka kukaJesu Kristu kwabafileyo,
AmaHubo 103:8 (ZUL59)
UJehova unobubele nesihawu; wephuza ukuthukuthela, kuvama umusa.
AmaHubo 103:10 (ZUL59)
Akasiphathi njengokufanele izono zethu, akasivuzi njengokwamacala ethu.
AmaHubo 103:11 (ZUL59)
Ngokuba njengokuphakama kwezulu phezu komhlaba unjalo umusa wakhe phezu kwabamesabayo.
AmaHubo 103:12 (ZUL59)
Njengokuba impumalanga yahlukene nentshonalanga, udedisile kangaka kithi iziphambeko zethu.