KwabaseKolose

UKristu Iqhawe Lethu

1 kaPetru

U-Esteri

URuthe

UKristu Indlovukazi Yethu Yokugcina U-Esteri

Nika uNkulunkulu indawo yokuqala

Isinqumo Esikhulu Kunazo Zonke Empilweni Yakho!

2 kaPetru

1-2 kwabaseThesalonika Thessalonians

IBHAYIBHELI ELINGCWELE

<div class="version vid286 iso6393zul" data-vid="286" data-iso6393="zul">
 <div class="book bkJHN">
 <div class="chapter ch6" data-usfm="JHN.6.25+JHN.6.26+JHN.6.27+JHN.6.28+JHN.6.29+JHN.6.30+JHN.6.31+JHN.6.32+JHN.6.33+JHN.6.34+JHN.6.35+JHN.6.36+JHN.6.37+JHN.6.38+JHN.6.39+JHN.6.40+JHN.6.41+JHN.6.42+JHN.6.43+JHN.6.44+JHN.6.45+JHN.6.46+JHN.6.47+JHN.6.48+JHN.6.49+JHN.6.50+JHN.6.51+JHN.6.52+JHN.6.53+JHN.6.54+JHN.6.55+JHN.6.56+JHN.6.57+JHN.6.58+JHN.6.59">
 <div class="p">25Kwathi ukuba bamfumane phesheya kolwandle, bathi: &#8220;Rabi, ufike nini lapha na?&#8221;</div><div class="p"> 26UJesu wabaphendula wathi: &#8220;Ngiqinisile, ngiqinisile ngithi kini: Aningifuni ngokuba nabona izibonakaliso, kepha ningifuna ngokuba nadla izinkwa, nasutha. 27 Ningasebenzeli ukudla okuphelayo kepha ukudla okuhlala kuze kube ngukuphila okuphakade, eyakunipha khona iNdodana yomuntu, ngokuba uYise uNkulunkulu ubekile uphawu kuyona.&#8221;</div><div class="p"> 28Bathi-ke kuye: &#8220;Singenzani ukuba sisebenze imisebenzi kaNkulunkulu na?&#8221;</div><div class="p"> 29 Waphendula uJesu, wathi kubo: &#8220;Umsebenzi kaNkulunkulu yilowo ukuba nikholwe nguye amthumileyo.&#8221;</div><div class="p"> 30 Ngakho bathi kuye: &#8220;Pho, wenza sibonakaliso sini ukuba sibone, sikholwe nguwe, na? Usebenzani na? 31 Okhokho bethu badla imana* ehlane njengokulotshiweyo ukuthi: &#8216;Wabapha isinkwa esivela ezulwini ukuba badle.&#8217; &#8221;</div><div class="p"> 32UJesu wayesethi kubo: &#8220;Ngiqinisile, ngiqinisile ngithi kini: Kwakungesiye uMose owanipha isinkwa esivela ezulwini, kodwa uBaba unipha isinkwa soqobo esivela ezulwini. 33Ngokuba isinkwa sikaNkulunkulu singuye owehla ezulwini, olipha izwe ukuphila.&#8221;</div><div class="p"> 34Khona bathi kuye: &#8220;Nkosi, siphe njalonjalo leso sinkwa.&#8221;</div><div class="p"> 35 UJesu wathi kubo: &#8220;Mina ngiyisinkwa sokuphila; ozayo kimi kasoze alamba, nokholwa yimi kasoze oma. 36Kepha ngithe kini: Ningibonile, nokho anikholwa. 37 Konke angipha khona uBaba kuyakuza kimi; ozayo kimi angisoze ngamlahlela ngaphandle. 38 Ngokuba ngehle ezulwini kungengukuba ngenze intando yami, kodwa ukuba ngenze intando yongithumileyo. 39 Lokhu kuyintando yongithumileyo ukuba konke angiphe khona ngingalahlekelwa lutho kukho, kodwa ngikuvuse ngomuhla wokuphela. 40 Ngokuba lokhu kuyintando kaBaba ukuba yilowo nalowo obona iNdodana, akholwe yiyo, abe nokuphila okuphakade; ngiyakumvusa mina ngomuhla wokuphela.&#8221;</div><div class="p"> 41Khona abaJuda bakhonona ngaye, ngokuba ethe: &#8220;Ngiyisinkwa esehle ezulwini.&#8221; 42 Bathi-ke: &#8220;Lona akusiye uJesu indodana kaJosefa, uyise nonina sibazi na? Usesho kanjani, pho, ukuthi: &#8216;Ngehle ezulwini,&#8217; na?&#8221;</div><div class="p"> 43UJesu waphendula, wathi kubo: &#8220;Ningakhononi phakathi kwenu. 44Akakho ongeza kimi, uma uBaba ongithumileyo engamdonsi; mina-ke ngiyakumvusa ngomuhla wokuphela. 45 Kulotshiwe kubaprofethi ukuthi: &#8216;Bonke bayakuba ngabafundiswe nguNkulunkulu.&#8217; Yilowo nalowo ozwile kuBaba, wafunda, uyeza kimi. 46 Akusikho ukuthi ukhona oke wambona uBaba, kuphela ovela kuNkulunkulu; nguyena ombonile uBaba. 47 Ngiqinisile, ngiqinisile ngithi kini: Okholwayo unokuphila okuphakade. 48Mina ngiyisinkwa sokuphila. 49 Okhokho benu badla imana* ehlane, bafa. 50Lesi siyisinkwa esehla ezulwini ukuba umuntu adle kuso, angafi. 51 Mina ngiyisinkwa esiphilayo esehla ezulwini. Uma umuntu edla lesi sinkwa, uyakuphila phakade; futhi-ke isinkwa engizakusinikela ngenxa yokuphila kwezwe siyinyama yami.&#8221;</div><div class="p"> 52Base bephikisana bodwa abaJuda, bethi: &#8220;Lo angasinika kanjani inyama yakhe, siyidle, na?&#8221;</div><div class="p"> 53Khona uJesu wathi kubo: &#8220;Ngiqinisile, ngiqinisile ngithi kini: Uma ningayidli inyama yeNdodana yomuntu, niphuze igazi layo, aninakuphila phakathi kwenu. 54 Odla inyama yami, aphuze igazi lami, unokuphila okuphakade; mina ngiyakumvusa ngomuhla wokuphela. 55Ngokuba inyama yami ingukudla isibili, negazi lami lingukuphuza isibili. 56 Odla inyama yami, aphuze igazi lami, uhlala kimi, nami kuye. 57Njengalokho uBaba ophilayo ungithumile, nami ngiphila ngoBaba, lowo ongidlayo naye uyakuphila ngami. 58Lesi siyisinkwa esehle ezulwini, kungenjengalokho okhokho benu badla imana,* bafa; osidlayo lesi sinkwa uyakuphila phakade.&#8221; 59Lokho wakukhuluma esinagogeni* efundisa eKapernawume.</div><div class="p"> </div>
 </div>
 </div>
</div>

Walking with JesusIsampula

The Bread of Life

John 6:25-59

UmBhalo

Mayelana naloluHlelo

Izinhlelo zohlobo olufanayo