Ukulinda uNkulunkulu

Ukuzuza Ukuhlakanipha KukaNkulunkulu

Kungcono kunokujwayelekile

Ubathanda Kanjani Abantu Ongavumelani Nabo

Ukunqoba Impi Engqondweni Yakho

<div class="version vid286 iso6393zul" data-vid="286" data-iso6393="zul">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">UbuNkulunkulu nobuntu nomsebenzi kaJesu Kristu</div><div class="p"> 1 Ekuqaleni wayekhona uLizwi, uLizwi wayekuNkulunkulu, uLizwi wayenguNkulunkulu. 2Yena lowo wayekhona ekuqaleni kuNkulunkulu.</div><div class="p"> 3 Konke kwavela ngaye; ngaphandle kwakhe akuvelanga lutho kukho konke okuvelileyo. 4 Ukuphila kwakukuye, ukuphila kwakungukukhanya kwabantu; 5 ukukhanya kukhanya ebumnyameni, kepha ubumnyama abukwamukelanga.</div><div class="p"> 6Kwavela umuntu ethunyiwe nguNkulunkulu, igama lakhe linguJohane. 7Lowo wezela ubufakazi ukuba afakaze ngokukhanya, ukuze bonke bakholwe ngaye. 8Yena wayengesikho ukukhanya, kepha wayengozofakaza ngokukhanya. 9 Kwakungukukhanya okuqinisileyo okukhanyisa wonke umuntu, okwase kuza ezweni.</div><div class="p"> 10Wayekhona ezweni, izwe lavela ngaye; kepha izwe alimazanga. 11Weza kokwakhe, abakhe abamamukelanga. 12 Kepha bonke abamamukelayo wabapha amandla okuba babe ngabantwana bakaNkulunkulu, labo abakholwa egameni lakhe, 13 abangazalwanga ngagazi, nantando yenyama, nantando yendoda, kodwa bazalwa nguNkulunkulu.</div><div class="p"> 14 ULizwi waba yinyama, wakha phakathi kwethu, sabona inkazimulo yakhe, inkazimulo njengeyozelwe yedwa kuYise, egcwele umusa neqiniso.</div><div class="p"> 15UJohane wafakaza ngaye, wamemeza wathi: &#8220;Nguyena lo ebengisho ngaye ukuthi: &#8216;Lowo ozayo emva kwami uvelile ngaphambi kwami, ngokuba wayekhona kuqala kunami.&#8217; &#8221; 16 Ngokuba ekugcwaleni kwakhe samukele sonke umusa phezu komusa. 17 Ngokuba umthetho wanikezwa ngoMose, umusa neqiniso kwavela ngoJesu Kristu. 18 Akakho oke wabona uNkulunkulu; iNdodana ezelwe yodwa esesifubeni sikaYise yiyona embonakalisile.</div><div class="s1">Ubufakazi bukaJohane</div><div class="p"> 19Lokhu kungubufakazi bukaJohane mhla abaJuda bethuma abapristi namaLevi bephuma eJerusalema ukuba bambuze ukuthi: &#8220;Wena ungubani na?&#8221; 20 Wavuma, kaphikanga, wavuma wathi: &#8220;Angisiye uKristu mina.&#8221;</div><div class="p"> 21 Bambuza bathi: &#8220;Uyini pho? Ungu-Eliya na?&#8221;</div><div class="p">Wathi: &#8220;Angisiye.&#8221;</div><div class="p">&#8220;UngumProfethi na?&#8221;</div><div class="p">Waphendula wathi: &#8220;Qha.&#8221;</div><div class="p"> 22Base bethi kuye: &#8220;Ungubani na? ukuze sibaphendule abasithumileyo; uzisho ukuthi ungubani na?&#8221;</div><div class="p"> 23 Wathi: &#8220;Ngiyizwi lomemeza ehlane, ethi: &#8216;Lungisani indlela yeNkosi,&#8217; &#8221; njengalokho washo u-Isaya umprofethi.</div><div class="p"> 24Labo ababethunyiwe babevela kubaFarisi. 25Bambuza-ke, bathi kuye: &#8220;Pho, ubhapathizelani, uma ungesiye uKristu, no-Eliya, nomProfethi, na?&#8221;</div><div class="p"> 26UJohane wabaphendula wathi: &#8220;Mina ngibhapathiza ngamanzi; umi phakathi kwenu eningamaziyo: 27yena ozayo emva kwami, omchilo wesicathulo sakhe ngingafanele ukuwuthukulula.&#8221;</div><div class="p"> 28Lokho kwenzeka eBethabara ngaphesheya kweJordani, lapho uJohane wayebhapathiza khona.</div><div class="p"> 29 Ngangomuso wabona uJesu eza kuye, wathi: &#8220;Bheka, iWundlu likaNkulunkulu elisusa izono zezwe. 30Nguye ebengisho ngaye, ngithi: &#8216;Emva kwami kuza umuntu owavela ngaphambi kwami, ngokuba wayekhona kuqala kunami.&#8217; 31Nami bengingamazi; kodwa ukuze abonakaliswe ku-Israyeli, ngalokho ngizile ngibhapathiza ngamanzi.&#8221;</div><div class="p"> 32UJohane wafakaza wathi: &#8220;Ngibonile uMoya ehla ezulwini njengejuba, wahlala phezu kwakhe. 33Nami bengingamazi, kodwa owangithuma ukubhapathiza ngamanzi wathi kimi: &#8216;Lowo oyakubona uMoya ehla ahlale phezu kwakhe, nguyena obhapathiza ngoMoya oNgcwele.&#8217; 34Mina ngibonile, ngafakaza ukuthi: Lo uyiNdodana kaNkulunkulu.&#8221;</div><div class="s1">Abafundi bokuqala</div><div class="p"> 35Ngangomuso futhi wayemi uJohane nababili kubafundi bakhe. 36Ebona uJesu ehamba, wathi: &#8220;Bheka, nanto iWundlu likaNkulunkulu.&#8221;</div><div class="p"> 37Abafundi ababili bezwa ekhuluma, bamlandela uJesu. 38Khona uJesu waphenduka, wababona belandela, wathi kubo: &#8220;Nifunani na?&#8221;</div><div class="p">Bathi kuye: &#8220;Rabi,&#8221; okungukuthi ngokuhunyushwa: Mfundisi, &#8220;uhlalaphi na?&#8221;</div><div class="p"> 39Wathi kubo: &#8220;Wozani nibone.&#8221; Ngakho-ke beza babona lapho ehlala khona; bahlala naye ngalolo suku; kwakungaba yihora leshumi.</div><div class="p"> 40 Omunye walabo ababili abamuzwa uJohane balandela uJesu wayengu-Andreya umfowabo kaSimoni Petru; 41yena wafumana kuqala umfowabo uSimoni, wathi kuye: &#8220;Simfumene uMesiya,&#8221; okungukuthi ngokuhunyushwa uKristu.</div><div class="p"> 42 Wamyisa kuJesu; uJesu wambheka wathi: &#8220;Wena unguSimoni kaJona; uzakubizwa ngokuthi uKhefase,&#8221; okuhunyushwa ngokuthi uPetru.</div><div class="p"> 43Ngangomuso wayefuna ukuya eGalile, wafumana uFiliphu; uJesu wathi kuye: &#8220;Ngilandele.&#8221;</div><div class="p"> 44UFiliphu wayengowaseBetsayida, umuzi ka-Andreya noPetru. 45 UFiliphu wafumana uNathanayeli, wathi kuye: &#8220;Simfumene lowo aloba ngaye emthethweni uMose kanye nabaprofethi, uJesu waseNazaretha, indodana kaJosefa.&#8221;</div><div class="p"> 46 UNathanayeli wathi kuye: &#8220;Kungase kuvele okuhle eNazaretha na?&#8221;</div><div class="p">UFiliphu wathi kuye: &#8220;Woza ubone.&#8221;</div><div class="p"> 47UJesu wabona uNathanayeli eza kuye, wathi ngaye: &#8220;Bheka, umIsrayeli uqobo okungekho nkohliso kuye.&#8221;</div><div class="p"> 48UNathanayeli wathi kuye: &#8220;Ungazelaphi na?&#8221;</div><div class="p">UJesu waphendula, wathi kuye: &#8220;Ungakabizwa nguFiliphu, uphansi komkhiwane, ngakubona.&#8221;</div><div class="p"> 49UNathanayeli wamphendula wathi: &#8220;Rabi, uyiNdodana kaNkulunkulu, uyiNkosi ka-Israyeli.&#8221;</div><div class="p"> 50UJesu waphendula, wathi kuye: &#8220;Ukholwa ngokuba ngithe kuwe ngakubona uphansi komkhiwane na? Uzakubona okukhulu kunalokho.&#8221; 51 Wathi kuye: &#8220;Ngiqinisile, ngiqinisile ngithi kini: Nizakubona izulu livuliwe nezingelosi zikaNkulunkulu zenyuka, zehla phezu kweNdodana yomuntu.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Isimangaliso sokuqala sikaJesu</div><div class="p"> 1Kwathi ngosuku lwesithathu kwakukhona umshado eKhana laseGalile; wayekhona lapho unina kaJesu. 2NoJesu nabafundi bakhe babemenyiwe emshadweni. 3Kwathi ukuba lisweleke iwayini, unina kaJesu wathi kuye: &#8220;Kabanalo iwayini.&#8221;</div><div class="p"> 4UJesu wathi kuye: &#8220;Mame, ungene ngani kokwami na? Isikhathi sami asikafiki.&#8221;</div><div class="p"> 5Wathi unina ezincekwini: &#8220;Nayikuphi akusho kini anokwenza.&#8221;</div><div class="p"> 6Kwakukhona lapho izimbiza zamatshe eziyisithupha zibekwe ngesiko lokuhlamba labaJuda, ziphethe yileso naleso izilinganiso ezimbili noma ezintathu.</div><div class="p"> 7UJesu wathi ezincekwini: &#8220;Gcwalisani izimbiza ngamanzi;&#8221; zazigcwalisa-ke.</div><div class="p"> 8Wayesethi kuzo: &#8220;Yikhani manje, niyise kumphathi wokudla;&#8221; zayisa-ke. 9Umphathi wokudla ezwa amanzi aphenduke iwayini, engazi ukuthi livelaphi, kepha izinceku ezaziwakhile amanzi bezazi, umphathi wokudla wabiza umyeni, wathi kuye: 10&#8220;Wonke umuntu ubeka iwayini elimnandi kuqala, kuthi lapha sebephuze kakhulu, akhiphe elibi kunalo; wena ugcinile elimnandi kuze kube manje.&#8221;</div><div class="p"> 11 Lokho ukuqala kwezibonakaliso wakwenza uJesu eKhana laseGalile ebonakalisa inkazimulo yakhe; abafundi bakhe bakholwa nguye.</div><div class="s1">Abathengisi ethempelini</div><div class="p"> 12Ngasemva kwalokho wehlela eKapernawume, yena, nonina, nabafowabo, nabafundi bakhe, bahlala khona izinsuku ezingeziningi.</div><div class="p"> 13Lalisondele iPhasika labaJuda; uJesu wakhuphukela eJerusalema. 14Wafumana ethempelini abathengisa ngezinkomo nangezimvu nangamajuba, nabahlezi beshintsha imali. 15Wayesenza inkalivasi* ngezintambo, waxosha bonke ethempelini, nezimvu nezinkomo, wachitha imali yabashintshayo, wagumbuqela amatafula, 16wathi kwabathengisa ngamajuba: &#8220;Susani lokhu lapha, ningayenzi indlu kaBaba indlu yokuthengelana.&#8221;</div><div class="p"> 17 Abafundi bakhe bakhumbula ukuba kulotshwe ukuthi: &#8220;Ukushisekela indlu yakho kuyangidla.&#8221;</div><div class="p"> 18 Ngakho-ke abaJuda baphendula, bathi kuye: &#8220;Usitshengisa isibonakaliso sini ukuba wenze lokhu na?&#8221;</div><div class="p"> 19UJesu waphendula, wathi kubo: &#8220;Bhidlizani leli thempeli, ngizakulivusa ngezinsuku ezintathu.&#8221;</div><div class="p"> 20Ngakho bathi abaJuda: &#8220;Leli thempeli kwaba yiminyaka engamashumi amane nesithupha lakhiwa, wena-ke uzakulivusa ngezinsuku ezintathu na?&#8221; 21Kepha wayekhuluma ngethempeli lomzimba wakhe. 22 Kuthe esevukile kwabafileyo, abafundi bakhe bakhumbula ukuthi washo njalo kubo; bakholwa ngumbhalo nezwi abelishilo uJesu.</div><div class="p"> 23Kwathi eseJerusalema ngePhasika emkhosini, abaningi bakholwa egameni lakhe bebona izibonakaliso zakhe azenzayo; 24kepha uJesu yena kabethembanga ukuba abhobokelane nabo, ngokuba wayebazi bonke, 25 nangokuba engaswele nobani amfakazele ngomuntu; wayekwazi yena okuphakathi komuntu.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s1">UJesu ukhuluma noNikodemu</div><div class="p"> 1 Kwakukhona umuntu wakubaFarisi, nguNikodemu igama lakhe, isikhulu sabaJuda. 2 Lowo-ke weza kuye ebusuku, wathi kuye: &#8220;Rabi, siyazi ukuthi ungumfundisi ovele kuNkulunkulu, ngokuba akakho ongenza lezi zibonakaliso ozenzayo, uma uNkulunkulu engenaye.&#8221;</div><div class="p"> 3 UJesu waphendula, wathi kuye: &#8220;Ngiqinisile, ngiqinisile ngithi kuwe: Uma umuntu engazalwa ngokusha, angewubone umbuso kaNkulunkulu.&#8221;</div><div class="p"> 4UNikodemu wathi kuye: &#8220;Umuntu angazalwa kanjani esemdala na? Angangena ngokwesibili esiswini sikanina, azalwe, na?&#8221;</div><div class="p"> 5 Waphendula uJesu, wathi: &#8220;Ngiqinisile, ngiqinisile ngithi kuwe: Uma umuntu engazalwa ngamanzi nangoMoya, angengene embusweni kaNkulunkulu. 6 Lokho okuzelwe yinyama kuyinyama; nalokho okuzelwe nguMoya kungumoya. 7Ungamangali ngokuba ngithe kuwe: &#8216;Nimelwe ukuzalwa ngokusha.&#8217; 8 Umoya uphephetha lapha uthanda khona; uyaluzwa udumo lwawo, kodwa kawazi lapho uvela khona nalapho uya khona; banjalo bonke abazelwe nguMoya.&#8221;</div><div class="p"> 9UNikodemu waphendula, wathi kuye: &#8220;Lokhu kungenzeka kanjani na?&#8221;</div><div class="p"> 10UJesu waphendula, wathi kuye: &#8220;Wena ungumfundisi ka-Israyeli, awukwazi lokhu na? 11 Ngiqinisile, ngiqinisile ngithi kuwe: Sikhuluma esikwaziyo, sifakaza ngesikubonileyo; kepha anibamukeli ubufakazi bethu. 12Nxa nginitshelile okomhlaba, kanakholwa; ningakholwa kanjani, uma nginitshela okwasezulwini na? 13 Akakho owenyukele ezulwini, kuphela yena owehla ezulwini, iNdodana yomuntu. 14 Njengokuba uMose waphakamisa inyoka ehlane, kanjalo iNdodana yomuntu imelwe ukuphakanyiswa 15 ukuba yilowo nalowo okholwa yiyo abe nokuphila okuphakade.</div><div class="p"> 16 &#8220;Ngokuba uNkulunkulu walithanda izwe kangaka, waze wanikela ngeNdodana yakhe ezelwe yodwa ukuba yilowo nalowo okholwa yiyo angabhubhi, kodwa abe nokuphila okuphakade. 17Ngokuba uNkulunkulu kayithumelanga iNdodana ezweni ukuba yahlulele izwe, kodwa ukuba izwe lisindiswe ngayo. 18 Okholwa yiyo kahlulelwa; ongakholwa usahlulelwe, lokhu engakholwanga egameni leNdodana ezelwe yodwa kaNkulunkulu. 19Ukwahlulela kuyilokhu ukuba ukukhanya kufikile ezweni, kepha abantu bathanda ubumnyama kunokukhanya, ngokuba imisebenzi yabo ibimibi. 20 Ngokuba yilowo nalowo owenza okubi uzonda ukukhanya, akezi ekukhanyeni ukuba imisebenzi yakhe ingasolwa. 21Kepha owenza iqiniso uyeza ekukhanyeni, ukuze imisebenzi yakhe ibonakaliswe ukuthi yenziwe kuNkulunkulu.&#8221;</div><div class="s1">Ubufakazi bokugcina bukaJohane</div><div class="p"> 22Ngasemva kwalokho uJesu weza nabafundi bakhe ezweni laseJudiya; wahlala khona nabo, wabhapathiza. 23Naye uJohane wayebhapathiza e-Enoni eduze neSalimi, ngokuba amanzi ayemaningi lapho; beza babhapathizwa. 24Ngokuba uJohane wayengakafakwa etilongweni. 25Kwase kuvela ukuphikisana phakathi kwabafundi bakaJohane nabaJuda ngokuhlambulula. 26Base beza kuJohane, bathi kuye: &#8220;Rabi, lowo owayenawe phesheya kweJordani, owamfakazelayo, bheka, uyabhapathiza, bonke beza kuye.&#8221;</div><div class="p"> 27 UJohane waphendula wathi: &#8220;Umuntu angelwamukele utho, uma engaluphiwanga luvela ezulwini. 28 Nina ngokwenu niyangifakazela ukuba ngathi: &#8216;Angisiye uKristu mina, kodwa ngithunyiwe ngaphambi kwakhe.&#8217; 29 Onomlobokazi ungumyeni, kepha umhlobo womyeni omiyo emuzwa uthokoza nokuthokoza ngezwi lomyeni. Le ntokozo yami isiphelele. 30Umelwe ukukhula yena, nginciphe mina.</div><div class="p"> 31 &#8220;Ovela phezulu uphezu kwakho konke; ovela emhlabeni ungowomhlaba, ukhuluma okomhlaba. Ovela ezulwini uphezu kwakho konke. 32Akubonileyo nakuzwileyo lokho ufakaza ngakho; kepha akakho owamukela ubufakazi bakhe. 33 Owamukele ubufakazi bakhe ulubekile uphawu lokuthi uNkulunkulu uqinisile. 34 Ngokuba lowo uNkulunkulu amthumileyo ukhuluma amazwi kaNkulunkulu; ngokuba akaniki uMoya ngokulinganisela. 35 UYise uyayithanda iNdodana, wanikela konke esandleni sayo. 36 Okholwa yiNdodana unokuphila okuphakade; kepha ongakholwa yiNdodana kayikubona ukuphila, kodwa intukuthelo kaNkulunkulu ihlezi phezu kwakhe.&#8221;</div>
 </div>
 </div>
</div>

I-Testamente Elisha ngezinsuku ezingu-90Isampula

UmBhalo

Mayelana naloluHlelo

Izinhlelo zohlobo olufanayo

Ukulinda uNkulunkulu

Ukuzuza Ukuhlakanipha KukaNkulunkulu

Kungcono kunokujwayelekile

Ubathanda Kanjani Abantu Ongavumelani Nabo

Ukunqoba Impi Engqondweni Yakho