IzAga 26:1-12 - Compare All Versions

Dlulisela

Njengeqhwa ehlobo, nemvula ngesikhathi sokuvuna, kanjalo udumo alusifanele isiwula. Njengenyoni ekuhambeni kwayo, nenkonjane ekundizeni kwayo, sinjalo isiqalekiso esingenasizathu. Isiswebhu singesehhashi, netomu lingelembongolo, noswazi lungolomhlane weziwula. Ungasiphenduli isiwula njengobuwula baso, funa ufane naso. Phendula isiwula njengobuwula baso, funa sibe ngohlakaniphileyo emehlweni aso. Othumela umbiko ngesiwula uzigwaza ngowakhe; ufana nozinqume izinyawo. Njengemilenze yokhubazekileyo elengayo, sinjalo nesaga emilonyeni yeziwula. Onika isiwula udumo ufana nobophela itshe endwayimaneni. Njengeva elihlaba isandla sesidakwa, sinjalo nesaga emilonyeni yeziwula. Njengomnembi ngomcibisholo olimaza bonke, unjalo oqasha isiwula esizidlulelayo. Njengenja ebuyela ebuhlanzweni bayo, kanjalo isiwula siphinda ubuwula baso. Kunethemba ngesiwula kunozibona ehlakaniphile emehlweni akhe.

Njengeqhwa ehlobo nemvula ngesikhathi sokuvuna, kanjalo udumo alufanele isiwula. Njengomzwilili ekuhambeni kwawo nanjengenkonjane ekundizeni kwayo, kanjalo isiqalekiso esingenasizathu asizi. Isiswebhu singesehhashi, netomu lingelembongolo, noswazi lungolomhlane weziwula. Ungasiphenduli isiwula njengobuwula baso, funa ufane naso. Phendula isiwula njengobuwula baso, funa sibe ngohlakaniphileyo emehlweni aso. Othuma izwi ngesandla sesiwula unquma izinyawo zakhe, uphuza ingozi. Imilenze yonyonga iyalengalenga; zinjalo izaga emilonyeni yeziwula. Njengobopha itshe endwayimaneni, unjalo onika isiwula udumo. Njengeva elingena esandleni sesidakwa, sinjalo isaga emlonyweni weziwula. Ingqongqo yenza konke yodwa; oqasha isiwula uqasha abadlulayo nje. Njengenja ebuyela ebuhlanzweni bayo, kanjalo isiwula siphinda ubuwula baso. Uyabona umuntu ohlakaniphile emehlweni akhe na? Kukhona ithemba ngesiwula kunaye.

Njengeqhwa ehlobo, njengemvula ngesikhathi sokuvuna, kanjalo udumo alufanele isiwula. Njengenyoni ezulazulayo, njengenkonjane indiza, kanjalo isiqalekiso asiyikufika ngaphandle kwesizathu. Isiswebhu ngehhashi, netomu ngembongolo, nodondolo ngemhlane wesiwula. Ungasiphenduli isiwula njengobuwula baso, funa ufane naso. Phendula isiwula njengobuwula baso, funa sihlakaniphe emehlweni aso. Othumela izwi ngesandla sesiwula unquma izinyawo zakhe, anathe okubi. Imilenze yokukhubazeka ayilingani; unjalo umfanekiso emlonyeni weziwula. Njengobophela itshe endwayimaneni, unjalo odumisa isiwula. Njengeva elikhuphuka esandleni sesidakwa, unjalo umfanekiso emlonyeni weziwula. UNkulunkulu omkhulu owenza zonke izinto uyabavuza abayiziwula kanye nabaphambukayo. Njengenja ibuyela ebuhlanzweni bayo, isiwula sibuyela ebuwula baso. Uyambona umuntu ohlakaniphileyo emehlweni akhe na? kukhona ithemba ngesiwula kunaso.