U-Isaya 64:1-5
U-Isaya 64:1-5 IsiZulu 2020 (ZUL20)
Sengathi ungadabula amazulu, wehle, kuzamazame izintaba phambi kwakho, njengalapho umlilo wokheleka ezinsabeni, nalapho umlilo ubilisa amanzi, ukuze wazise izitha zakho igama lakho, izizwe zithuthumele phambi kwakho. Lapho wenza izinto ezimangalisayo esasingazilindele, wehla; izintaba zathuthumela phambi kwakho. Kusukela emandulo akekho owezwayo, akukho ndlebe eyalalela, akukho liso elabona omunye uNkulunkulu ngaphandle kwakho, obasebenzelayo labo abamlindelayo. Uyabahlangabeza labo abakuthokozelayo ukwenza ukulunga, labo abakukhumbulayo ezindleleni zakho. Wena wathukuthela; thina sona, sahlala kukho isikhathi eside, pho siyosindiswa na?
U-Isaya 64:1-5 IBHAYIBHELI ELINGCWELE (ZUL59)
Sengathi ungadabula amazulu, wehle, zizamazame izintaba phambi kwakho njengokuphenjwa komlilo ezinsabeni, nalapho umlilo ubilisa amanzi, ukuze wazise izitha zakho igama lakho, izizwe zithuthumele phambi kwakho. Ekwenzeni kwakho okwesabekayo esingakubhekanga wehla; izintaba zathuthumela phambi kwakho. Kusukela endulo abantu abezwanga, abacoshanga nangendlebe, futhi iso alibonanga uNkulunkulu ngaphandle kwakho osebenzela omhlalelayo. Wahlangabeza labo ababethokoza ngokwenza ukulunga, labo abakukhumbulayo ezindleleni zakho. Wena wathukuthela, thina sona; sahlala kukho nasendulo; siyakusindiswa na?
U-Isaya 64:1-5 Contemporary Zulu Bible 2024 (CZB24)
Uma ungadabula izulu, wehle, izintaba zehle phambi kwakho, Njengalapho umlilo oncibilikayo uvutha, umlilo ubilisa amanzi, ukuze wenze igama lakho laziwe ezitheni zakho, ukuze izizwe zithuthumele phambi kwakho! Lapho wenza izinto ezesabekayo esingazange sizibheke, wehla, izintaba zehla phambi kobuso bakho. Ngokuba kwasekuqaleni kwezwe abantu abakuzwanga, abakuzwanga nangendlebe, abakubonanga ngeso, Nkulunkulu, ngaphandle kwakho, lokho amlungisele yena omlindileyo. Uyamhlangabeza othokozayo enze ukulunga, labo abakukhumbulayo ezindleleni zakho; bheka, uthukuthele; ngoba sonile; kukho ukubekezela, njalo siyakusindiswa.