VaLevi 12
12
Kulijelesa kwa munakazi omo nasulumuna mwana
1Shukulu Kalunga wendekele kuli Mosesa ngwendi, 2“Leka vanu va Isalele ngwove, a matangwa atanu na avali omo munakazi nakiti laja mwana wa munalume, co kajelele, kakwata ku liko. 3#Kus 17:12; Luk 2:21 A litangwa lyamucitanu na atatu, uje mbututu vakamutuule. 4Asinoni uje munakazi akakale mu katanda matangwa makumi atatu na matangwa atatu omo kanda akombe. Co kapandele kukwata ku cuma cimo cakujela nambe kukovela mu Mbalaka Mwakuliwanena noo nakombo. 5Oloni nga akita mwana wa munakazi, akapwa wakujeneka kujela a matangwa likumi na matangwa awana, kakwata ku liko. Napande kukala matangwa akwavo akupwa makumi atanu na limo na matangwa atanu na limo lalo, noo nakombo.
6“Omo matangwa endi akulijelesa anapumo mwamuvwa, nambe ali mwana wa munalume, nambe ali mwana wa munakazi, co akanene muna manga wa mwaka umo kuli muka-kukombelela ku cikolo ca Mbalaka Mwakuliwanena, kupwa n̄ombelo ya kwenyeka, na liyembe nambe katela wa n̄ombelo ya a vuvi. 7Co muka-kukombelela akakombelela n̄ombelo ya munakazi kuli Shukulu Kalunga mukutundisa vulikazi vwendi, co ikeye akajela. Ngecivene, eli likelyo lishiko lyanapande kunyunga munakazi omo nakiti mwana.
8 #
Luk 2:24
“Nga munakazi kasa kunena muna manga, co akanene mayembe vavali nambe tutela vavali, umo apwe wa n̄ombelo ya kwenyeka mukwavo apwe wa n̄ombelo ya a vuvi, co muka-kukombelela akamwambesa kumutundisa vulikazi vwendi, co ikeye akajela.”
Okuqokiwe okwamanje:
VaLevi 12: MBB
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
The Bible in Mbunda ©The Bible Society of Zambia, 2006